تم گناہوں سے ڈر کے جیتے ہو
تم گناہوں سے ڈر کے جیتے ہو ہم انہیں ساتھ لے کے چلتے ہیں یہ وہ رہبر ہیں جن کے ہاتھوں سے جنتوں کے چراغ جلتے ہیں
کشمیری لال ذاکر
کشمیری لال ذاکر کے قطعہ
نہ تیرے درد کے تارے ہی اب سلگتے ہیں
نہ تیرے درد کے تارے ہی اب سلگتے ہیں نہ تیری یاد کی اب چاندنی برستی ہے یہ کیسا وقت، محبت میں تیری آیا ہے مری حیات، ترے غم کو بھی ترستی ہے
تو مرے ساتھ اب نہیں ہے دوست
تو مرے ساتھ اب نہیں ہے دوست چاندنی کس لئے ترستی ہے جام اب کیوں کھنکتے رہتے ہیں یہ گھٹا کس لئے برستی ہے
تم گھٹاؤں کا اہتمام کرو
تم گھٹاؤں کا اہتمام کرو اذن جام شراب ہم دیں گے تم گناہوں کا لطف تو لے لو حشر کے دن حساب ہم دیں گے
اتنی تلخ فضا میں بھی ہم زندہ ہیں
اتنی تلخ فضا میں بھی ہم زندہ ہیں اپنے درد کے سورج سے تابندہ ہیں ڈھلتی رات کے تارے ہیں ہم صحرا میں سچ پوچھو تو خود سے بھی شرمندہ ہیں
زندگی کی حسین شہزادی
زندگی کی حسین شہزادی آرزو کے ستم سے ڈرتی ہے پھر بھی ہر روز اپنے خاکوں میں آرزوؤں کے رنگ بھرتی ہے
سخت جاں بھی ہیں اور نازک بھی
سخت جاں بھی ہیں اور نازک بھی درد کے باوجود جیتے ہیں زندگی زہر ہے، مگر ہم لوگ چھان کر گیسوؤں میں پیتے ہیں
بڑی شفیق، بڑی غم شناس لگتی ہیں
بڑی شفیق، بڑی غم شناس لگتی ہیں تمہارے شہر کی گلیاں اداس لگتی ہیں وہ درد مند نگاہیں، جو چھن گئیں مجھ سے کبھی کبھی تو مجھے آس پاس لگتی ہیں
کاوش صبح و شام باقی ہے
کاوش صبح و شام باقی ہے ایک درد مدام باقی ہے سجدے کرتا ہوں اٹھ کے پچھلے پہر عشق کا احترام باقی ہے
دل جلوں کو ستانے آئے ہیں
دل جلوں کو ستانے آئے ہیں غم زدوں کو رلانے آئے ہیں اف! یہ بے درد شام کے سائے حسرتوں کو جگانے آئے ہیں