خالی گلاس کے مقدر میں ہونٹوں کا لمس ہاتھوں کی نرمی کہاں شبنم روتی ہے اسے فنا کا غم ہے لمس کی قیمت کا احساس نہیں ہے اس کو پھولوں کی آغوش میں موت بھی حسین ہو جاتی ہے زندگی کی طرح خوش قسمت ہیں وہ لفافے جن پر ثبت ہوتی ہے مہر حسین لبوں کی مجھے بھی کوئی چھولے مجھے بھی کوئی پی لے میں پھر ...
دھوپ کتنی خوب صورت ہے یہاں حسیں چہروں پر دھوپ تاج محل پر دھوپ حسن خود چل کر یہاں حسن کو دیکھنے آتا ہے میں چلتے پھرتے حسن میں ایسا کھویا ہوں کہ کچھ سمجھ میں نہیں آتا تاج کو دیکھوں یا حسن گریزاں کو
بادلوں کی طرح کیوں چھا گیا ہے دل پر غم وہ کون تھا جو آیا اور چلا گیا اپنی یاد کی طرح قدم کے حسیں نشاں چھوڑ کر گیا جنہیں ہواؤں نے مٹا دیا اور غبار سا اڑا دیا پتھروں کی طرح راستے خموش ہیں راستوں سے کیا کہیں فاصلے ہیں درمیاں جو وقت کی طرح چلا گیا وہ لوٹ کر نہ آئے گا شام کیوں اداس ...
میرا سایہ میرے قد سے بڑا ہے لیکن جب روشنی کا زاویہ بدلے گا سایہ چھوٹا ہو جائے گا میرا سایہ روشنی کا غلام ہے
ٹوٹی ہوئی بوتل کی طرح بے کار بے مقصد زندگی کے طاق میں رکھا ہوا ہوں میں وہ کون تھا جو چھوڑ گیا میرے وجود کے شیشے پر اپنی لہو رنگ یادوں کے نشاں اس سے پہلے کہ بارش ان نشانات کو دھو ڈالے میں ریزہ ریزہ ہو جاؤں فرش پر بکھر جاؤں وقت کے پیروں میں چبھ جاؤں فرش زمیں کو رنگیں کر دوں اور خود ...
اب چائے ٹھنڈی نہیں ہوگی داڑھی اب نہیں بڑھے گی اب قمیص کے بٹن نہیں ٹوٹیں گے تغافل کسی کا اب نہیں ستائے گا اب کسی کے انتظار کا غم نہیں رلائے گا تھکن اب پیروں سے نہیں الجھے گی فاصلے اب درمیاں نہیں آئیں گے دل میں اب کوئی خلش نہیں ہوگی اب دیر تک نیند آئے گی آفس جانے کے لئے مجھے اب بیوی ...
خواہش کے شکاری کتے میرا پیچھا کر رہے ہیں میری بو سونگھتے ہوئے زندگی کی آخری حد تک آ گئے ہیں اب خوابوں کا گہرا غار بھی مجھے بچا نہیں سکتا
تمہیں بھلانے کی کوشش میں میں نے نہ جانے کتنی لڑکیوں سے جھوٹا پیار کیا ہے
زندگی بس کی قطار کے عشق کی طرح سطحی سہی لیکن بے کیف نہیں زندگی دل کش ہے شہر کے ہنگاموں کی طرح میں ہنگاموں کا دل دادہ ہوں خموشی سے نفرت ہے مجھے کہ میں خاموشی میں بیتے کل کی ٹک ٹک گھڑی کی طرح سن نہیں سکتا
کل بھی بارش ہوئی تھی آج بھی بارش ہوگی اور پھر کھوکھلی عظمتیں پیدل چلتی سڑکوں پر کیچڑ اچھالتے ہوئے ہوا کی طرح گزر جائیں گی آراستہ دوکانیں یہ تماشا دیکھیں گی اور ہنسے گی