رات کا وقت ہے آہوں کا دھواں ہو جیسے چاند خاموش ہے روٹھی ہوئی قسمت کی طرح سرمئی طاق میں مٹی کا دیا جلتا ہے کروٹیں لیتی رہی اونگھتے کمرے کی فضا اور میں رات کے روتے ہوئے سناٹے میں پڑھ رہا ہوں کہ جسے عہد وفا کہتے ہیں ساتھ دیتا نہیں تاریکی میں سائے کی طرح شدت کرب میں ڈوبے ہوئے لمحوں ...
اجلی اجلی تصویروں کو زنگ لگا ہے دروازوں کو بوڑھی دیمک چاٹ رہی ہے تصویریں خاموش ہیں لیکن گونگے کاغذ بول رہے ہیں
موسم کی پہلی بارش میں بوند بوند سے رواں رواں جلتا تھا ہوا سائیں سائیں کرتی آہیں بھرتی لیکن دل کی آگ بھڑکتی جاتی تنہائی پوشاک پہنتے شرماتی خوں کی گردش جسم کے تانے بانے کو گرماتی کیا کیا خواب دکھاتی
دوپہر کو زرد سورج اک کھنڈر کی سانولی دیوار سے لپٹا رہا چپکے چپکے آہ بھرتا دیر تک روتا رہا
کل میں نے پنگھٹ پر دیکھا اک پنہارن بھولی بھالی پیاسی مٹی کی گاگر میں پانی بھر کے بیٹھ گئی تھی بیٹھ گئی تھی پیڑ کے نیچے جانے وہ کیا سوچ رہی تھی اتنے میں قمری کا جوڑا پیڑ پہ آیا دھوم مچایا کوئل کوکی مور بھی ناچا بن کا ٹوٹ گیا سناٹا رم جھم جل برسائے تب جا کر الڑھ دوشیزہ جو سپنوں سے ...
اے حسیں چاند ستاروں مری آواز سنو کیا تمہیں رات کی تاریکی سے ڈر لگتا ہے یا تمہیں میرے شبستاں سے کوئی کام نہیں اتنے خاموش ہو کیوں کچھ تو کہو دیکھو میں وقت کے تاریک بیابانوں سے لمحۂ فکر کا اک ہار چرا لایا ہوں میری آواز سنو میرے گیتوں کی مچلتی ہوئی آواز سنو جھوم کر گاؤ اٹھو رنگ ...
ایک سہاگن ہولی کے بعد دھان کے کھیت میں میڑ کے اس پار ببول کے نیچے اپنا لباس تبدیل کر رہی ہے
میں ہوں سوکھا پیڑ تو برکھا میں چٹئیل میداں تو سبزہ میں صحرا تو بہتا چشمہ میں ہوں دہکتا انگارہ اور تو شبنم میں پیڑا اور تو مرہم ہم دونوں کا جنم جنم سے ساتھ رہا ہے
ایک شیشہ جسے میں نے رکھا تھا محراب کی چھاؤں میں رات کو چھن سے نیچے گرا فرش پر اور بکھرا دھنک کی طرح دفعتاً نیند سے جاگ کر میں نے دیکھا تو پرچھائیوں کے تصادم کے آثار تھے
سوکھے پیڑ کی ننگی ڈالی تیز ہوا میں جھول رہی ہے پیڑ کے نیچے زرد گھاس پر شبنم کے موتی بکھرے ہیں دور فلک پر آوارہ بادل اڑتے ہیں سرد ہوائیں چیخ رہی ہیں پیڑ مگر انجان کھڑا ہے ننگی ڈالی ہاتھ اٹھائے برکھا رت کو بلا رہی ہے