یوں تو موسم آئے بھی اور چل دئے کتنے موسم کیا دئے کیا لے گئے کس کو پتہ ہم تو اتنا جانتے ہیں پیڑ پر جب کونپلیں پھوٹیں کھلے کچھ پھول تو یہ خیر کہلائے مگر جب پیڑ کی شاخوں پہ کانٹے اگ رہے تھے شر کہا دنیا نے اس کو یاد رکھنا پیڑ جب تک پیڑ ہے کونپلیں اور پھول کانٹے جنم لیتے ہی رہیں ...
چلو سارے ناکام لفظوں سے کہہ دیں انہیں آج اظہار کے آکٹوپس منانے چلے ہیں
تمازت سے محروم افکار کے زرد سورج اگل کر سبھی اپنے اسلاف کی کھوپڑیوں کی مالائیں پہنے اجنمے ہوئے اپنے بچوں کی شکلوں کو بارود کے ڈھیر پر رکھ رہے ہیں وہ بچے جنہیں جنم لینا پڑا تھا وہ اپنے گھروں میں اندھیرے سجا کر چراغوں کو اپنی ہی قبروں پہ رکھنے چلے آ رہے ہیں یہاں ماں کے سینے سے ...
دور گگن کی اس نگری میں کالے بادل شور مچاتے آنکھ مچولی کھیل رہے تھے اور چمن کے ویرانے میں خود رو پودے پیلے بدن میں سر کو چھپائے کانپ رہے تھے ایسے میں یہ میں نے دیکھا سرخ گلاب کا ننھا پودا ویرانے سے جھانک رہا تھا اس کی آنکھوں سے بادل کو تاک رہا تھا بادل اپنی آنکھ مچولی بھول گئے ...
معنی کی زمیں سے اگنے والے پیڑ کی خواہش کا بیج
در گل پہ سورج کی دستک سے پہلے سجا لوں گا اپنی جبیں پر گئی رات کی خنکیاں ساعتوں کی مقدر میں ہے تشنگی کیسے انعام شبنم کی جرأت کروں شرمساری سے لوٹوں یہ ممکن نہیں ہو سکے تو ابھی شب رفتہ کی سوگند کو بھول کر تتلیوں کے سبھی زنگ چھونے چلوں یوں نئے دن کے ہم راہ جینے چلوں
گم شدہ قربتیں مقتل وقت کی پہلی چوکھٹ پہ سر کو جھکائے ہوئے اپنی بے قامتی پر کراہیں ذرا راندۂ خیر و شر ہوں مگر اس گھڑی رت جگوں کے لیے سارے ہنستے ہوئے زخم لے آؤں گا اک نئے دن کا آغاز ہو جائے گا خرمن دل میں خوشبو مہک جائے گی
خموشی کے موتی پرونے کا حاصل کبھی دل میں نشتر کبھی ذہن میں ایک لاوا بنا پھر ٹھکانے بدل کر مری آنکھ سے ٹوٹ کر گر رہا ہے
پہلے یہ ہونٹ پنکھڑی سے تھے چھو کے اوس ان کو کانپ جاتی تھی اب وہی ہونٹ ہیں مگر ان پر ایک بنئے نے لکھ دیا ہے حساب
دھوپ چھتوں سے بنیادوں تک اتری تھی پھر بھی وہ ایک دیپ جلائے دور پہاڑوں کی چوٹی پر دھوپ ڈھونڈنے چلا گیا ہے