گر جور و جفا کرے تو انعام سمجھ
گر جور و جفا کرے تو انعام سمجھ جس کام سے وہ خوش ہو اسے کام سمجھ گر کفر کی راہ سے رسائی ہو وہاں اس کفر کو تو جادۂ اسلام سمجھ
بچوں کی شاعری کے لئے مشہور
اسماعیل میرٹھی
Most famous Urdu poet writing poetry for children.
اسماعیل میرٹھی کی رباعی
ہر خواہش و عرض و التجا سے توبہ
ہر خواہش و عرض و التجا سے توبہ ہر فکر سے ذکر سے دعا سے توبہ از بس کہ محال ہے سمجھنا اس کا جو آئے سمجھ میں اس خدا سے توبہ
پر شور الفت کی ندا ہے اب بھی
پر شور الفت کی ندا ہے اب بھی جو تھی وہی آن اور ادا ہے اب بھی ہوتی نہیں سنت الٰہی تبدیل جس شان میں ہے وہی خدا ہے اب بھی
دنیا کے لئے ہیں سب ہمارے دھندے
دنیا کے لئے ہیں سب ہمارے دھندے ظاہر طاہر ہیں اور باطن گندے ہیں صرف زبان سے خدا کے قائل دل کی پوچھو تو خواہشوں کے بندے
پانی میں ہے آگ کا لگانا دشوار
پانی میں ہے آگ کا لگانا دشوار بہتے دریا کو پھیر لانا دشوار دشوار سہی مگر نہ اتنا جتنا بگڑی ہوئی قوم کو بنانا دشوار
توحید کی راہ میں ہے ویرانۂ سخت
توحید کی راہ میں ہے ویرانۂ سخت آزادی و بے تعلقی ہے یک لخت دنیا ہے نہ دین ہے نہ دوزخ نہ بہشت تکیہ نہ سرائے ہے نہ چشمہ نہ درخت
کاٹھ کی ہنڈیا چڑھی کب بار بار
کاٹھ کی ہنڈیا چڑھی کب بار بار کھو دیا جھوٹے نے اپنا اعتبار بات جھوٹی جو زباں پر لائے گا سچ بھی اس کا جھوٹ سمجھا جائے گا
عید رمضاں ہے آج با عیش و سرور
عید رمضاں ہے آج با عیش و سرور ہم کو بھی ادائے تہنیت ہے منظور اس عید سعید کی خوشی میں حضرت قومی بچوں کو یاد رکھیے گا ضرور
اپنے ہی دل اپنوں کا دکھاتے ہیں بہت
اپنے ہی دل اپنوں کا دکھاتے ہیں بہت ڈیڑھ اینٹ کی مسجدیں بناتے ہیں بہت ہر چند کہ ہیں دانت نہایت ہم درد لیکن جب ہل گئے ستاتے ہیں بہت
بدلا نہیں کوئی بھیس ناچاری سے
بدلا نہیں کوئی بھیس ناچاری سے ہر رنگ ہے اختیار سرکاری سے بندہ شاہد ہے اور طاعت زیور یہ سانگ بھرا گیا ہے عیاری سے