دیکھا تو کہیں نظر نہ آیا ہرگز
دیکھا تو کہیں نظر نہ آیا ہرگز ڈھونڈا تو کہیں پتا نہ پایا ہرگز کھونا پانا ہے سب فضولی اپنی یہ خبط نہ ہو مجھے خدایا ہرگز
بچوں کی شاعری کے لئے مشہور
اسماعیل میرٹھی
Most famous Urdu poet writing poetry for children.
اسماعیل میرٹھی کی رباعی
دنیا کا نہ کھا فریب ویراں ہے یہ
دنیا کا نہ کھا فریب ویراں ہے یہ راحت سے نہ دل لگا کہ مہماں ہے یہ بچ نفس دنی سے ہے بڑا ہی کافر کر روح کی پرورش مسلماں ہے یہ
احمد کا مقام ہے مقام محمود
احمد کا مقام ہے مقام محمود ہے مرجع حمد اور شایان درود لو لاک لما خلقت الافلاک ہے ہیچ شاہد ہے محمد اور عالم مشہود
ہے بار خدا کہ عالم آرا تو ہے
ہے بار خدا کہ عالم آرا تو ہے دانائے نہان و آشکارا تو ہے ہر شخص کو ہے تیرے کرم کی امید ہر قوم کا آسرا سہارا تو ہے
جب تک کہ سبق ملاپ کا یاد رہا
جب تک کہ سبق ملاپ کا یاد رہا بستی میں ہر ایک شخص دل شاد رہا جب رشک و حسد نے پھوٹ ان میں ڈالی دونوں میں سے ایک بھی نہ آباد رہا
انساں کو چاہئے نہ ہمت ہارے
انساں کو چاہئے نہ ہمت ہمارے میدان طلب میں ہاتھ بڑھ کر مارے جو علم و ہنر میں لے گئے ہیں بازی ہر کام میں ہیں انہیں کے وارے نیارے
مقصود ہے قید جستجو سے باہر
مقصود ہے قید جستجو سے باہر وہ گل ہے دلیل رنگ و بو سے باہر اندر باہر کا سب تعین ہے غلط مطلب ہے کلام و گفتگو سے باہر
گر نیک دلی سے کچھ بھلائی کی ہے
گر نیک دلی سے کچھ بھلائی کی ہے یا بد منشی سے کچھ برائی کی ہے اپنے ہی لئے ہے سب نہ اوروں کے لئے اپنے ہاتھوں نے جو کمائی کی ہے
چوپائے کی طرح تو کتابوں سے نہ لد
چوپائے کی طرح تو کتابوں سے نہ لد حاصل ہے کتاب کا فقط علم و خرد کیڑوں نے ہزارہا کتابیں کھا لیں پائی نہ مگر کبھی فضیلت کی سند
افسردگی اور گرم جوشی بھی غلط
افسردگی اور گرم جوشی بھی غلط گم گشتگی اور خود فروشی بھی غلط کچھ کہئے اگر تو گفتگو ہے بے جا چپ رہئے اگر تو ہے خموشی بھی غلط