محبت میں کمی آنے لگی ہے اسے مصروفیت کھانے لگی ہے ابھی تم تھے اجالا تھا مگر اب اچانک تیرگی چھانے لگی ہے سکوں ملنے لگا ہے اب جنوں سے مری وحشت مجھے بھانے لگی ہے دلوں کو ڈس رہی ہے بد گمانی یہ ناگن زہر پھیلانے لگی ہے سہیلی ہے مری برسوں پرانی اداسی مجھ کو خوش آنے لگی ہے عجب سی دل ...
اے خرد اور جنوں خدا حافظ اے دل بے سکوں خدا حافظ رخصتی اپنی ذات سے چاہوں آج خود سے کہوں خدا حافظ مجھ کو اذن مفارقت ہے دوست پھر نہ شاید ملوں خدا حافظ تجھ کو مشکل ہے تو جدائی کی ابتدا میں کروں خدا حافظ یہ گماں تک نہ تھا مجھے اک دن تجھ سے کہنا ہے یوں خدا حافظ روح کو کرب سے رہائی ...
آج موقع ہے جو کہنا ہے مری جاں کہیے پھر نہ شاید ہو کبھی وقت مہرباں کہیے اتنی قبریں ہیں امیدوں کی مرے دل میں کہ اب شہر دل کو بھی مرے شہر خموشاں کہیے یوں تو اس شہر میں سب دوست ہیں اپنے لیکن کس کو ہمدرد کسے درد کا درماں کہیے تیرگی راتوں کی جھیلی ہے کہ آئے گی کبھی صبح اک ایسی جسے صبح ...
میں ہوں زندہ بس اس فسانے تک یاد آنے سے بھول جانے تک تم انا میں گنوا رہے ہو مگر مجھ کو ڈھونڈو گے تم زمانے تک خود بھی اپنا وقار کھو دو گے مجھ کو تا دیر آزمانے تک اپنا دامن نہ تم جلا بیٹھو دیکھنا میرا دل جلانے تک حوصلہ ہے مجھے ستانے کا رو نہ دینا مجھے رلانے تک زندگی کیا ہے کب خبر ...
مری دھڑکنوں کو اچھال کر اے فشار خون دھمال کر کہ جو دیکھے سنگ اچھال دے اے جنون میرا وہ حال کر مجھے کچھ تو میری خبر ملے مجھے مجھ میں تھوڑا بحال کر ترے بس میں ہو تو دکھا کبھی مجھے اپنے دل سے نکال کر میں کہ مدتوں سے ہوں لاپتا مجھے ڈھونڈ میرا خیال کر
جو گر جاؤں سنبھلنا جانتی ہوں حوادث سے نمٹنا جانتی ہوں شکست آئنہ تک بات پہنچے میں اس درجہ سنورنا جانتی ہوں ہے میری سادگی میں حسن ایسا ترے دل میں اترنا جانتی ہوں بھروسہ رکھنا تم میری وفا پر میں انگاروں پہ چلنا جانتی ہوں نہیں قائل میں ہرگز خودکشی کی مگر میں تجھ پہ مرنا جانتی ...
چراغ شام تھا دن بھر بجھا رہا کوئی غروب شمس کے ہوتے ہی جل گیا کوئی بیان کر نہیں سکتا کبھی محاسن عشق کوئی ردیف غزل میں نہ قافیہ کوئی رفاقتوں میں عجب طرز اجنبیت تھا کہ ساتھ رہ کہ بھی ہم سے رہا جدا کوئی یہ رنگ درد کے آتے نہیں سخن میں یوں ہی نہال دل پہ مرے زخم ہے کھلا کوئی مرے سفر ...
کرے گا یاد ہمیں دور ہم اگر جائیں اس اشتیاق میں جی چاہتا ہے مر جائیں یہ کہہ رہا تھا ہمیں ڈوبتا ہوا سورج سفر تمام ہوا اپنے اپنے گھر جائیں طلوع شمس کی کرنوں نے یہ پیام دیا اجالے بانٹتے جائیں جدھر جائیں دکھاتے ہیں جو ہمیں آئنہ کبھی اس میں خود اپنے عکس کو دیکھیں تو آپ ڈر جائیں نہ ...
ہواۓ سبز کا جھونکا کوئی غنچہ کھلاتا ہے خزاؤں کا طلسم زرد آخر ٹوٹ جاتا ہے گلوں کے مخملیں آنچل نمی سے بھیگ جاتے ہیں کسی کی یاد میں شب بھر فلک آنسو بہاتا ہے کسی بے مہر ساعت میں تمہارا مسکرا دینا شب تاریک میں جیسے ستارا ٹمٹماتا ہے تعاقب تتلیوں کا پر اٹھا لانا پرندوں کے کسی جگنو کو ...
حادثوں نے اسے بھی توڑ دیا ریزہ ریزہ بکھر گئی میں بھی اک بھنور میں رہا ہے وہ بھی سدا اور کنارے نہ لگ سکی میں بھی اس نے صحرا کی ریت کو اوڑھا خاک میں خاک ہو گئی میں بھی اس نے خود کو بدل لیا آخر اور پہلی سی کب رہی میں بھی میرے دل کو بھی وہ نہ راس آیا اس کے دل سے اتر گئی میں بھی اس کے ...