پر کیف کہیں کے بھی نظارے نہ رہیں گے دنیا میں اگر عشق کے مارے نہ رہیں گے دنیائے محبت میں چراغاں نہ ملے گا پلکوں پہ اگر اشک ہمارے نہ رہیں گے تم چھوڑ کے مت جاؤ مجھے شہر بلا میں ورنہ مرے جینے کے سہارے نہ رہیں گے طے کر لو سفر شب کا کہ موقع ہے غنیمت پھر چرخ بریں پہ یہ ستارے نہ رہیں ...
ہماری زیست کا اک ایک باب کھل جائے خدایا ہم پہ ہماری کتاب کھل جائے پھر اس کے بعد یہ دشت و دمن بھلا کیا ہیں جو غور و فکر کریں آفتاب کھل جائے زمیں پہ راستہ آئے نظر تو کیا ہے عجب یہ راستہ تو میاں زیر آب کھل جائے خطیب چیختا ہے روز ہی سر منبر مجال کیا ہے جو ہم پر خطاب کھل جائے نہ ...
بغیر سوچے ہوئے عرض حال کرتے رہے جواب کچھ نہ ملا ہم سوال کرتے رہے کبھی تو ڈوبے ندی میں مگر کبھی ہم نے سمندروں کو اچھالا کمال کرتے رہے اسی سے نام ملا ہے اسی سے عزت بھی جو کام سہل بہت تھے محال کرتے رہے کھڑے رہے یوں ہی آنکھوں میں اشک جاری کیے ہر ایک لمحۂ شب لا زوال کرتے رہے کبھی ...
عجیب بات ہے بیمار ہے نہیں بھی ہے یہ دل تمہارا طلب گار ہے نہیں بھی ہے ہیں ممکنات نہاں اس ادا میں شوخی میں لبوں پہ ان کے جو انکار ہے نہیں بھی ہے ہے کیسا عزم سفر کیسی چاہت منزل سفر کو کارواں تیار ہے نہیں بھی ہے یہ اپنی اپنی سمجھ ہے یہ اپنا اپنا شعور سفر حیات کا دشوار ہے نہیں بھی ...
ایک مدت سے جو سینے میں بسا ہے کیا ہے کرب احساس ہے یا کرب انا ہے کیا ہے دور حاضر میں ہر اک شخص ہے کیوں سہما ہوا دل میں جو خوف ہے وہ خوف فنا ہے کیا ہے مجھ کو اس لفظ کا مفہوم بتا دو یارو دوستی نام ہے جس کا وہ جفا ہے کیا ہے بات مطلب کی کہوں اس سے مگر پہلے ذرا یہ تو معلوم ہو وہ خوش ہے خفا ...
ایماں کا تقاضہ ہے کہ خوددار بنو زر داروں کی دہلیز پہ سجدہ نہ کرو زہراب ملے یا رسن و دار عبیدؔ ہرگز کسی قاتل کو مسیحا نہ کہو
ہم دل کا ہر اک زخم چھپا لیتے تھے ہر ایک کو سینے سے لگا لیتے تھے اب دوست بھی ہیں دشمن جانی اپنے دشمن کو بھی ہم دوست بنا لیتے تھے
شعلوں کی طرح ہیں کبھی شبنم کی طرح ہیں زخموں کی صورت کبھی مرہم کی طرح کوئی بھی نہیں جس پہ بھروسہ کیجے یاں لوگ بدل جاتے ہیں موسم کی طرح
آلام و مصائب سے لڑا کرتے ہیں ہر رنج کو ہنس ہنس کے سہا کرتے ہیں ہر غم ہمیں پیغام طرب دیتا ہے ہم غم کے طلب گار رہا کرتے ہیں
آشوب زمانہ سے ہے ڈرنا کیسا بزدل کی طرح شکوہ ہے کرنا کیسا مرنا تو بہرحال ہے اک روز عبیدؔ مرنے سے مگر پہلے ہی مرنا کیسا