صحرائے کربلائے رہ عاشقاں کے بیچ خوشبو سی پھوٹتی ہے یہاں ہمرہاں کے بیچ رنج شکم تا تشنہ لبی صبر ہا و ہو یہ گفتگو نہیں ہے سہولت گراں کے بیچ اب بھی چراغ پوری تمازت سے ہے فروز خیمۂ خانوادۂ شہزادگاں کے بیچ تیغائے دشمناں سے قلم ہو رہے ہیں سر لیکن ہیں سرفراز صف دشمناں کے بیچ سینۂ ...
اشک باقی کوئی اب دیدۂ گریاں میں نہیں پھر بھی تو کوئی کمی سوزش پنہاں میں نہیں آرزو مجھ کو کسی شاہد گل کی کیا خوب میری قسمت کے تو کانٹے بھی گلستاں میں نہیں فصل گل آئی تو کیا حیف پئے نذر بہار اب تو اک تار بھی باقی مرے داماں میں نہیں ذوق نظارہ پہ ہے عظمت جلوہ موقوف دل کشی ورنہ کوئی ...
سرخیٔ رنگ شفق نور سحر لے کے چلو رہروو مشعل خورشید و قمر لے کے چلو جذبۂ جہد مسلسل تپش عزم جواں اب جو چلتے ہو تو یہ زاد سفر لے کے چلو پھونک ڈالیں جو ہر اک خرمن فکر باطل اپنی بے باک نگہ میں وہ شرر لے کے چلو تم کو کرنا ہے مداوائے غم نوع بشر درد دل لے کے چلو سوز جگر لے کے چلو آج پھر ...
چمن ہے کیسا یہ کیسی بہار ہے ساقی لہو سے صحن چمن لالہ زار ہے ساقی یہ چیرہ دستیٔ اہل جنوں معاذ اللہ قبائے لالہ و گل تار تار ہے ساقی ہے زد میں آتش و آہن کی شہر رامش و رنگ اداس شام سحر سوگوار ہے ساقی یہ زخم زخم بدن اور یہ سوختہ لاشیں عجیب مرحلۂ گیر و دار ہے ساقی یہ کیا ستم ہے کہ ...
کوئی ستارہ جبیں کوئی ماہ رو بھی نہیں علاج وحشت دل ساغر و سبو بھی نہیں کریں نہ اہل چمن پر وہ تبصرہ جن کو شعور موسم و تمئیز رنگ و بو بھی نہیں نہیں ہے کوئی عناں گیر راہ وار جنوں لباس عقل میں گنجائش رفو بھی نہیں نہ جانے کس لئے گھر سے نکلتے ڈرتا ہوں اگرچہ شہر میں کوئی مرا عدو بھی ...
یہی نہیں کہ فقط بام و در سے بچ کے چلوں تلاش یار میں شمس و قمر سے بچ کے چلوں یہ رنگ و نور ہیں دامن کش حیات مگر ہے مصلحت کا تقاضا ادھر سے بچ کے چلوں یہ پیچ و خم یہ نشیب و فراز راہ حیات کہاں سے ہو کے چلوں اور کدھر سے بچ کے چلوں جو ساتھ دے نہ سکے تا حریم جلوۂ ناز میں چاہتا ہوں ہر اس رہ ...
تجھ پہ قرباں ہو جو سو بار کہاں سے لاؤں اب وہ دل اے نگہ یار کہاں سے لاؤں سر ہے اپنوں ہی کے الطاف و عنایات سے خم طبع منت کش اغیار کہاں سے لاؤں سنگ و آہن کو بھی پگھلا دے حرارت جن کی وہ سلگتے ہوئے افکار کہاں سے لاؤں ذہن افسردہ دل افگار پریشاں خاطر میں گل افشانیٔ گفتار کہاں سے ...
وفا کرنا وفا نا آشنا کے ساتھ بھی رہنا چراغ زندگی لے کر ہوا کے ساتھ بھی رہنا شکست شیشۂ دل پر بجائے اشک افشانی کبھی اے چشم تر دست دعا کے ساتھ بھی رہنا مہکنا بوئے گل بن کر کبھی صحن گلستاں میں کبھی سرگشتہ آوارہ صبا کے ساتھ بھی رہنا محیط آب و گل میں جلوہ فرمائی بہ ہر منظر نہاں ...
لا مکاں و مکاں بولتا ہے جیسے سارا جہان بولتا ہے کیوں ہیں اہل زبان مہر بہ لب کیا کوئی بے زبان بولتا ہے کوئی سنتا نہیں کسی کی ہر اک اپنی اپنی زبان بولتا ہے لاکھ گرد سفر رہے خاموش رہ گزر کا نشان بولتا ہے ساری محفل دھواں دھواں سی ہوئی کون شعلہ بیان بولتا ہے خشک دھرتی بھی چپ نہیں ...
تمام رات ستاروں کو منہ چڑھاتے ہیں یہ کس کی یاد کے جگنو ہمیں جگاتے ہیں شب فراق فقط سانحہ نہیں غم کا یہاں پہنچ کے خیالات جگمگاتے ہیں ہر ایک سانس ہمیں اور تباہ کرتی ہے ہم اپنے شور تنفس سے خوف کھاتے ہیں خزاں پسند بہاروں میں گم نہیں ہوتے بسنت میں بھی کئی پھول سوکھ جاتے ہیں