خشک دامن پہ برسنے نہیں دیتی مجھ کو میری غیرت کبھی رونے نہیں دیتی مجھ کو ایک خواہش ہے جو مدت سے گلا گھونٹے ہے اک تمنا ہے جو مرنے نہیں دیتی مجھ کو زندگی روز نیا درد سناتی ہے مگر اپنے آنسو کبھی چھونے نہیں دیتی مجھ کو دل تو احباب سے ملنے کو بہت چاہتا ہے مفلسی گھر سے نکلنے نہیں دیتی ...
یوں ہی ظالم کا رہا راج اگر اب کے برس غیرممکن ہے رہے دوش پہ سر اب کے برس جسم بوئیں گے ستم گار اناجوں کی جگہ اور فصلوں کی طرح کاٹیں گے سر اب کے برس ذہن سے کام لو اور موڑ دو طوفان کا رخ ورنہ آنسو میں ہی بہہ جائیں گے گھر اب کے برس جانے کس وقت اجل آپ کو لینے آ جائے ساتھ ہی رکھیے گا ...
حیات و موت تمہیں سے ہے میری وابستہ کسی کے عشق و محبت کے آسرا تم ہو غریق سیل محبت مجھے کیا جس نے سفینۂ دل مضطر کے ناخدا تم ہو نگہ کو دعوت نظارہ دے کے چھپ جانا شریک برق کی اک شرمگیں ادا تم ہو مریض عشق کے صد چاک قلب بسمل کی امید و بیم میں ڈوبی ہوئی دعا میں ہوں لٹا کے راہ محبت میں ...
اے میرے پیارے بچو اے میرے اچھے بچو اردو زبان بولو اردو زبان بولو اردو زبان ایسی جو بولنا سکھائے منہ میں سبھی کے وہ تو رس گھولنا سکھائے اس کے حروف موتی الفاظ پھول جیسے ذہنوں میں سب کے خوشبو کو چھوڑنا سکھائے چاہو اگر سلیقہ اردو زبان سیکھو اردو زبان بولو اردو زبان بولو اردو کے شعر ...
اک بچے نے خواب یہ دیکھا شہر زمیں پر ہے اک ایسا سب انساں ہیں جہاں برابر چھوٹا ہے کوئی اور نا ہے برتر مل جل کر ہیں سب ہی رہتے ہمدردی آپس میں رکھتے کالا بھونڈا کوئی نہیں ہے صورت سے ہر کوئی حسیں ہے بچے بھی ہیں سب ہی پیارے مل کر پڑھنے جاتے سارے نہیں ہے لڑتا کوئی کسی سے مل کر رہتے ساتھ ...
جب گھر میں آ جاتا بندر کتنے روپ دکھاتا بندر چیزیں توڑے کپڑے پھاڑے اودھم خوب مچاتا بندر بچے رہتے سہمے سہمے ان کو خوب ڈراتا بندر چھین کے سب لے جاتا چیزیں دکھا دکھا کر کھاتا بندر ڈنڈا لے کر ماریں اس کو پھر تو دوڑ لگاتا بندر
صبح سویرے ٹائم پر ہی آ جاتا ہوں میں اسکول ہر دن اپنا کام ہوں کرتا کبھی نہ کرتا اس میں بھول سب بچوں سے پیار ہوں کرتا یہ ہے میرا ایک اصول اچھا بچہ کہتے مجھ کو میں ہوں سب کی آنکھ کا پھول
حامد شاکر اور مائیکل دیکھو میری چھوٹی سائیکل پیڈل مارو اڑ جاتی ہے ہینڈل موڑو مڑ جاتی ہے بریک دباؤ تو رکتی ہے بریک نہ دو تو لڑ جاتی ہے اک ننھی سی گھنٹی بھی ہے چپ رہتی ہے بجتی بھی ہے سائیکل ہے یہ کتنی پیاری دیتی ہے یہ خوب سواری
ننھا منا بچہ ہوں میں لیکن بالکل سچا ہوں میں پڑھنا مجھ کو کم ہے بھاتا کھیل میں لیکن پکا ہوں میں میڈم کہتیں تم ہو گندے ممی کہتیں اچھا ہوں میں بھیا باجی سب سے لڑتا نہیں کسی سے ڈرتا ہوں میں چھوڑوں گا اب ساری شرارت توبہ ان سے کرتا ہوں میں
جب بھی آتی لال پری خوشیاں لاتی لال پری رنگ برنگے سپنے دے کر دل بہلاتی لال پری صبح سویرے پیار سے آ کر مجھے اٹھاتی لال پری لڈو پیڑے بالوشاہی خوب کھلاتی لال پری جب بھولوں میں اپنا سبق یاد کراتی لال پری پنکھ پہ اپنے مجھے بٹھا کر سیر کراتی لال پری