بہت دنوں سے نظر میں ہے یار کی صورت غم زمانہ سے لیکن فرار کی صورت نظر تو آئے کہیں سے بہار کی صورت نکالیے تو کوئی اعتبار کی صورت کھلا ہوا ہے در میکدہ دلوں کی طرح مہک رہی ہے فضا زلف یار کی صورت ہزار مرحلۂ زیست سامنے آئے بدل بدل کے تمنائے یار کی صورت
دل کی باتیں کسی حسیں سے کہیں پر کہیں بھی تو کس یقیں سے کہیں برف سی جم رہی ہے ہونٹوں پر کس کے رخسار آتشیں سے کہیں ہر جگہ ہے تو اس فسانے میں تو جہاں سے کہے وہیں سے کہیں ہم تو سمجھا کے ہار بیٹھے ہیں آپ ہی کچھ دل حزیں سے کہیں آنسوؤں کی کہانیاں اے تاجؔ کب تک اپنی ہی آستیں سے کہیں
ابھی خیال و نظر کا غبار راہ میں ہے بہار آ کے رہے گی بہار راہ میں ہے بڑھے چلو کہ وہ منزل ابھی نہیں آئی یہ وہ مقام ہے جس کا شمار راہ میں ہے ہمارا کیا ہے دوانے ہیں کچھ بھی کر گزریں یقیں کرو کہ تمہارا وقار راہ میں ہے نہ پاؤں تھمتے ہیں اپنے نہ حوصلے دل کے سنا ہے جب سے کوئی خار زار راہ ...
نہ اپنوں سے کوئی شکوہ نہ بیگانوں کا رونا ہے جو پورے ہو نہیں سکتے ان ارمانوں کا رونا ہے بڑی تہذیب سے اہل غم دل سر جھکائے ہیں نہ زنجیروں کا شکوہ ہے نہ زندانوں کا رونا ہے اگر تجھ کو یقیں آئے تو سب تیرا تصرف ہے نہ دیوانوں کا ہنسنا ہے نہ دیوانوں کا رونا ہے
اے چنگاری راکھ نہ بن پھونک دے میرا ہی دامن تجھ سے وفا کی امیدیں دیکھ مرا دیوانہ پن ہم دکھیوں سے ہنس کر مل کیا جوبن کیا مایا دھن مجھ میں اپنا عکس نہ دیکھ میں ہوں اک ٹوٹا درپن
چاک داماں و گریباں پہ ہنسی آتی ہے کیسے انساں ہو کہ انساں پہ ہنسی آتی ہے تم کہ ہر منزل دشوار سے ہٹ جاتے ہو ہم کہ ہر منزل آساں پہ ہنسی آتی ہے یہ بنائے ہوئے رنگ اور یہ تراشے ہوئے پھول مجھ کو اس جشن بہاراں پہ ہنسی آتی ہے رات اک زلف پریشاں کے لیے روتا ہوں صبح ہر خواب پریشاں پہ ہنسی ...
چراغ راہ بنے شمع انجمن نہ رہے خدا کرے کہ مرا فن بھی میرا فن نہ رہے دلوں کے پھول تبسم کے پھول پیار کے پھول کھلیں یہ پھول تو پھر برق کا چلن نہ رہے نگاہ بھر کے مجھے دیکھ جام بھر کے پلا مری جبیں پہ غم دہر کی شکن نہ رہے تمہارے قبضۂ قدرت میں مہر و ماہ سہی مگر یہ کیا کہ مرے پاس اک کرن نہ ...
آج دل سوچ رہا ہے جیسے مے ہر اک غم کی دوا ہے جیسے جاں ہتھیلی پہ لیے پھرتے ہیں اک یہی شرط وفا ہے جیسے کہیں موتی کہیں تارے کہیں پھول دہر تیری ہی قبا ہے جیسے دشت غربت میں ترا نامۂ شوق ہاتھ میں پھول کھلا ہے جیسے اس طرح چپ ہیں ترا غم لے کر یہ بھی قسمت کا لکھا ہے جیسے
یاد گیسو و قد یار لیے پھرتے ہیں ہم کہیں ہوں رسن دار لیے پھرتے ہیں ہم ہیں وہ چاک گریباں جو زمانے کے لیے شوق پیراہن زر تار لیے پھرتے ہیں مدتیں ہو گئیں اس دامن رنگیں سے چھٹے آج تک دیدۂ خوں بار لیے پھرتے ہیں شرم اے زعم مسیحائی کہ اب بھی لاکھوں جسم بیمار و دل زار لیے پھرتے ہیں
وہی رہا دل غمگیں کسی سے کچھ نہ ہوا ستم یہ ہے کہ تری دوستی سے کچھ نہ ہوا تمام نغمگی و شاعری سے کچھ نہ ہوا وہ رات ہے کہ مری روشنی سے کچھ نہ ہوا تری نگاہ کی جادوگری کو دیکھ لیا تری نگاہ کی جادوگری سے کچھ نہ ہوا چلو کہ آج ستاروں کی سیر کر آئیں کوئی یہ کہہ نہ سکے آدمی سے کچھ نہ ہوا