کوئی ذی روح نہ تھا اطراف میں ویرانی تھی وقت بیمار تھا دم توڑ رہا تھا شاید شام کے موڑ پہ کچھ دھوپ پڑی تھی جس میں ایک بے شکل سے سائے کا لرزتا ہوا عکس رینگتے رینگتے اک لمبی صدا کے پیچھے ان گنت شمسی نظاموں کے جہاں سے نکلا آخر کار وہ اس کار گراں سے نکلا
جو راہ چھوٹ گئی تھی اسی کا اک کونا لپٹ کے پاؤں سے منزل پہ آ گیا ہوگا
کسی بھی موڑ پہ رک کر جو پیچھے دیکھا ہے تو ایک یاد ملی آنسوؤں میں بھیگی ہوئی تو ایک رات ملی سوگوار سہمی ہوئی تو ایک خواب ملا در بدر بھٹکتا ہوا اور ایک جسم ملا جس کے سر کے بالوں میں گزرتے وقت نے لمحوں کی راکھ ڈالی ہے وہ جسم میرا نہیں ہے تو پھر وہ کس کا ہے
بادلوں کے خون سے چپکی ہوئی اس شام میں اڑ رہے تھے کچھ پرندے لڑکھڑاتی آہٹوں کے کارواں کے ساتھ میں شہر گردی میں رہا گھر کا رستہ یاد آتا ہی نہ تھا کس قدر میں ڈر گیا تھا نیند کی خاموشیوں کے شور سے
جو چلتا ہے تو قدموں کی کوئی آہٹ نہیں ہوتی تلاش فرق نیک و بد کی خواہش کو لیے دل میں گزرتا ہے غبار زیست کی گم نام گلیوں سے دھندلکا سا کوئی ہے یا کوئی بے خواب سی شب ہے کوئی بے نور رستہ ہے کہ جس میں کھو گیا ہوں میں کوئی آواز ہے جو اک دریدہ پیرہن پہنے ہجوم بے سر و پا میں کئی صدیوں سے رہتی ...
میں کہ گفتار کا ماہر تھا جہاں دیدہ تھا لوگ سنتے تھے مری اور سناتے بھی تھے اپنے دکھ درد میں ڈوبی ہوئی ساری باتیں مسئلہ کون سا ایسا تھا جسے حل نہ کیا آج بھی بھیڑ تھی لوگوں کی مرے چاروں طرف میں نے ہر ایک کو باتوں میں سکوں یاب کیا پھر کوئی دور سے دیتا ہے صدا کون ہو تم آئے ہو کون سی ...
جسم بے جان ہے پتھر سی بنی ہیں آنکھیں اور اک خوف کا ملبوس پہن کر کوئی گھورتا رہتا ہے ہر وقت خلا میں شاید آئینہ خانوں کی مقہور نما چاہت میں عکس در عکس بکھرتی ہوئی پرچھائیاں ہیں اور سناٹوں کی گمبھیر صدا ہے ہر سو شاخ در شاخ خزاں نوحہ کناں ہے ہر سو ایسے ماحول میں جینا بھی ہے خواب کے ...
اندھیرے دوڑتے ہیں رات کی ویران آنکھوں میں چراغوں کی جڑوں سے روشنی کا خون رستا ہے سمندر کشتیوں میں چھید کرتی مچھلیوں سے بھر گئے آخر مسافر منزلوں کی خواہشوں سے ڈر گئے آخر صدا اس قید گہہ سے بھاگ جانے کی کڑی کوشش میں زخمی ہے زمیں فالج زدہ ہونٹوں کی جنبش سے ٹھہر جانے کو شاید کہہ رہی ...
پہاڑوں میں گھری وادی کی بلکھاتی ہوئی سڑکیں گزرتے موڑ پر جھکتی ہوئی شاخوں سے پوچھیں گی پرانے ماڈلوں کی گاڑیوں نے کیا کہا تم سے مسافر خواہشوں کی منزلوں پر بھی پہنچتے ہیں کہ رستے کی کسی کھائی میں اپنے نام کی قبروں میں جا کر لیٹ جاتے ہیں
یہ ممکن ہے کہ میں تم کو نہ یاد آؤں مگر یہ بھی تو ممکن ہے اتر کر شب کی سیڑھی سے کوئی بے نام پرچھائیں ہٹا دے برف یادوں کی