مقصد کی آنکھ کا نور آخر ہماری نیتوں میں ہی چمکتا ہے منجمد ہونے کے ڈر سے مجھے آنے والے مہمانوں کا انتظار زیادہ کرنا ہوگا میری حلاوت میری رگوں میں مچل رہی ہے ایک مٹھاس بھری گھلاوٹ جو حلق پر لذت کی دستک دیتی ہے میں فریج میں پڑی اپنی کروٹوں میں اترا رہی ہوں جس کے نقوش بلوریں بوتل پر ...
تیرے رخ کی ضیا میں یہ آنکھیں کھو تو سکتی ہیں سو نہیں سکتیں
کسے تعمیر ہونا ہے کسے مسمار رہنا ہے کسے خواب مسلسل کی فضا بندی میں جینا ہے کسے نیندوں سے ہٹ کر آنسوؤں سے ہجر کو آسان کرنا ہے کسے خاموش رہنا ہے کسے اعلان کرنا ہے
اے مری جبیں سائی میرے زرد سجدوں کا تو ہی کچھ بھرم رکھ لے خشک سرد جنگل میں نارسا ارادوں سے میں کہاں خدا ڈھونڈوں
پوری بات کہنے کی کب مجھے اجازت ہے پوری بات سننے کی آپ کو کیا ضرورت ہے آپ علم کے داعی آپ سوچ کے رہبر آپ ہی محبت کے قاعدے بناتے ہیں آپ ہی رفاقت کے سب ہنر بتاتے ہیں آپ کے تبسم کو میں نے گر کبھی کھوجا پچھلے کتنے جنموں کے عشق کے کھنڈر نکلے آنجناب کے سارے درد معتبر نکلے آپ مسکراتے ہیں ...
کس قدر گراں ٹھہری موسموں کے ساحل پر آر پار ہوتی دھند آئینے کی قاتل ہے شام میں نکلتی دھند دل ذرا سا بوجھل تھا اس پہ آن ٹھہری ہے پھر سے یہ اکہری دھند آنکھ روزنوں پر ہے کس طرح اتاروں گی وسوسوں کی پھیلی دھند ایک زرد بارش میں اور نیند لائے گی خواب کی سنہری دھند
آج روز گریہ ہے چمچاتی آنکھوں سے اک جہان برسے گا روگ درد اور یہ غم درمیان برسے گا میری بے نوائی پر خاکدان برسے گا اور بے گناہی پر آسمان برسے گا
بہت سے لوگ ہوتے ہیں جنہیں کہنا جنہیں سننا نہیں آتا صدائیں اپنے پہلو کو جھٹک کر کان میں آواز بھرتی ہیں صداؤں کے کٹہرے سے کئی باغی ہمیشہ بھاگ جاتے ہیں میں اپنے وقت کی باغی صدا ہوں اور میرا نام عظمیٰ ہے مجھے نقویؔ بھی کہتے ہیں مجھے حرف ضیا پر جگنوؤں سے داد ملتی ہے مرا ادبی نسب ...