پا لیا پھر کسی امید نے فردا کا سراغ تشنگی ڈھونڈھ رہی ہے مے و مینا و ایاغ ذہن میں پھر سے ابھرنے لگے ماضی کے نقوش دل میں ہونے لگے روشن تری یادوں کے چراغ پھر سے اک موج طرب موجۂ رنگ اٹھی ہے پھر سے ملنے کو ہے شاید غم ہستی کا سراغ
مجھ کو ان ارضی خداؤں نے اگر لوٹا ہے کیا یہ سچ ہے کہ مشیت بھی رہی دوش بدوش دب کے رہ جاتی ہے ہر آہ و بکا عظمت میں کون جانے کہ خدا کس لیے بیٹھا ہے خموش
دل ویراں کو اب کی بار شاید غموں نے اپنا مسکن کر لیا ہے ترے وحشی نے اب تو اپنے حق میں زمانہ بھر کو دشمن کر لیا ہے غزل ظالم سے ہم بھی ہار بیٹھے اسی کو اپنا اب فن کر لیا ہے
نیند اڑ جائے گی راتوں کو شکایت ہوگی میں نہ سمجھا تھا تمہیں اتنی محبت ہوگی نظریں ڈھونڈیں گی ہر اک راہ پہ قدموں کے نشاں بال بکھرائے ہوئے منزلوں وحشت ہوگی یہی آشفتہ مزاجی ہے تو اے جان وفا آج بستی میں ہے کل شہر میں شہرت ہوگی
دل سے مجبور آپ سے بیزار اس دوراہے پہ آ گئے ہو گے آؤ بیٹھو کہ بے بسی معلوم دل سے پھر مات کھا گئے ہو گے
شمع روشن ہے سر بزم نگاہوں میں مگر کس کو معلوم دبے پاؤں اندھیرا آیا سو گئی مسند شاہی پہ کہیں آزادی کون سی رات گئی کس کا سویرا آیا
آہٹوں کے سراب میں گم ہیں تیری باہوں کے خواب میں گم ہیں اپنے ہوش و حواس کیا جانیں کس جہان خراب میں گم ہیں