کچھ کام نہیں گبرو مسلماں سے ہمیں
کچھ کام نہیں گبرو مسلماں سے ہمیں ہے کفر سے کچھ بحث نہ ایماں سے ہمیں رہنے کے لیے دیر و حرم ہیں یکساں اک روز سفر کرنا ہے پھر یاں سے ہمیں
جارج پیش شور
جارج پیش شور کی رباعی
جب تک ہے شباب سازگار دولت
جب تک ہے شباب سازگار دولت ہر قصر میں سو نقش و نگار دولت پیری آئی تو شورؔ صاحب پھر کیا سب خاک میں مل گئی بہار دولت
دولت نے معاونت جو کی تو کیا کی
دولت نے معاونت جو کی تو کیا کی طالع نے مساعدت جو کی تو کیا کی پیری میں نہیں فائدہ کچھ بھی اے شورؔ دنیا نے موافقت جو کی تو کیا کی
گرجا میں گئے تو پارسائی دیکھی
گرجا میں گئے تو پارسائی دیکھی اور دیر میں جا کے خود نمائی دیکھی جب چھوڑا خودی کو غور کر کے اے شورؔ دیکھا تو ہر اک سمت خدائی دیکھی
کیا وصف لکھوں زلف سیہ کی لٹ کا
کیا وصف لکھوں زلف سیہ کی لٹ کا ہر پیچ میں اک دل کو لیا ہے لٹکا اے شانہ زہے قسمت عالی تیری کیا خوب ترے ہاتھ لگا ہے لٹکا
کعبہ میں تو صدق اور صفا کو پایا
کعبہ میں تو صدق اور صفا کو پایا بت خانے میں ناز اور ادا کو پایا حاصل نہ ہوا کہیں سے دل کا مقصد جب خود ہی میں ڈھونڈھا تو خدا کو پایا
پیری میں خاک زندگانی کا مزہ
پیری میں خاک زندگانی کا مزہ دانے کا ہے لطف اور نہ پانی کا مزہ وہ مے کشی و ذوق کہاں ہے اے شورؔ تا مرگ نہ بھولیں گے جوانی کا مزہ
کچھ تیرا ثمر نہ اے جوانی پایا
کچھ تیرا ثمر نہ اے جوانی پایا سرما زدہ باغ زندگانی پایا جی خاک لگے شورؔ کہ اس گلشن میں جو پھول کھلا اسی کو فانی پایا