اپنے ناخن اپنے چہرے پر خراشیں دے گئے گھر کے دروازے پہ کچھ بھوکے صدائیں دے گئے جاگتے لوگوں نے شب ماروں کی جب چلنے نہ دی دن چڑھے وہ روشنی کو بد دعائیں دے گئے خود ہی اپنے ہاتھ کاٹے اور آنکھیں پھوڑ لیں دیوتاؤں کو پجاری کیا سزائیں دے گئے ایک اپنی ذات کے نقطے کو مرکز مان کر حوصلوں کے ...
اندھیری بستیاں روشن منارے ڈوب جائیں گے زمیں روتی رہی تو شہر سارے ڈوب جائیں گے جھلس دیں گی جو صحرائی ہوائیں ریشمی سائے دھوئیں کے زہر میں رنگیں نظارے ڈوب جائیں گے ابھی سے کشتیاں سب ساحلوں کی سمت رخ موڑیں کہ جب طوفان آیا پھر اشارے ڈوب جائیں گے بڑھے گی ان کی لو کوئی اگر سینچے ...
ذرا ہٹے تو وہ محور سے ٹوٹ کر ہی رہے ہوا نے نوچا انہیں یوں کہ بس بکھر ہی رہے ہیں بے نشاں جو اڑے تھے بگولہ زد ہو کر زمیں پہ لیٹنے والے زمین پر ہی رہے بہار جھاڑیوں پر ٹوٹ ٹوٹ کر برسی دعائیں مانگتے اشجار بے ثمر ہی رہے خوشا یہ سایہ و خوشبو کہ طائر خوش رنگ نہ پھر یہ وقت رہے اور نہ یہ ...
زبان چپ ہے مگر ذہن رو رہا ہے لہو کہ جیتے جاگتے لوگوں کا سو رہا ہے لہو تمام عمر ملا زہر اس تسلسل سے کہ اپنے آپ میں تریاک ہو رہا ہے لہو رگوں میں اتری ہے جو شے وہ نا موافق ہے کہ سارے جسم میں کانٹے سے بو رہا ہے لہو بس ایک دائرے میں رقص کر رہے ہیں حواس خیال ہے کہ بگولہ بلو رہا ہے ...
تیرے بکھرے لفظ بھی افکار سے عاری نہیں اس حقیقت سے تو کوئی شخص انکاری نہیں پھیلتا جاتا ہے اک سرطان تیرے جسم میں نشتروں کے خوف سے مت کہہ یہ بیماری نہیں گزرے وقتوں یہ عبارت میں تو کھو کر رہ گیا وقت کے ماتھے کی تحریروں کا تو قاری نہیں تیری ہر آواز ان کے شور میں دب جائے گی ان کا مقصد ...
بکھر رہی ہے جو قوت وہ پھر منظم ہو شکست ہو تو ضروری نہیں کہ ماتم ہو ستارے سمت نما ہیں تو اکتفا کیسی زمین پر بھی کہیں جگنوؤں کا پرچم ہو وہ وقت پیٹ پہ پتھر ہی باندھنے کا ہے کہ جب زمین پہ ہی خندقوں کا موسم ہو وہی تو وقت مناسب ہے معجزے کے لئے کچھ اور آتش قحط و محال برہم ہو تلاش کرتے ...
جو خود کو پائیں تو پھر دوسرا تلاش کریں اس اک حیات میں اب اور کیا تلاش کریں ستارہ گو ہے یہ شب اس کو غور سے سن لیں اور اس کا دن جو کہیں کھو گیا تلاش کریں ہم اپنی بات کو دیوار ہی میں چنوا دیں نظر شبیہ سماعت صدا تلاش کریں ہے باب جاں پہ رکا عکس میہماں آ کر سر وجود کوئی آئنہ تلاش ...
میں اپنے وقت میں اپنی ردا میں رہتا ہوں اور اپنے خواب کی آب و ہوا میں رہتا ہوں کبھی زمین کبھی سیرگاہ ماہ و نجوم کبھی میں عکس نظر آشنا میں رہتا ہوں سماعتوں پر اترتا ہوں مثل صوت یقیں دلوں کے واہمۂ برملا میں رہتا ہوں میں اڑتی گرد ہوں اہل ہنر کے تیشے کی اور اہل درد کی بھی خاک پا میں ...
میں لوح ارض پر نازل ہوا صحیفہ ہوں دلوں پہ ثبت ہوں پیشانیوں پہ لکھا ہوں پرانی رت مرا مژدہ سنا کے جاتی ہے نئی رتوں کے جلو میں سدا اترتا ہوں میں کون ہوں مجھے سب پوچھنے سے ڈرتے ہیں میں روز ایک نئے کرب سے گزرتا ہوں میں ایک زندہ حقیقت ہوں کون جھٹلائے جو ہونٹ بند رہیں آنکھ سے چھلکتا ...
کبھی جو نور کا مظہر رہا ہے وہ کن تاریکیوں میں مر رہا ہے کسی سورج کا ٹکڑا توڑ لائیں زمیں کا جسم ٹھنڈا پڑ رہا ہے کہیں آثار ڈھونڈیں زندگی کے کبھی یہ چاند میرا گھر رہا ہے متاع آسماں بھی لٹ نہ جائے ستارے پر ستارہ گر رہا ہے ہوا میں لفظ لکھے جا رہے ہیں کوئی زخمی پرندہ اڑ رہا ہے