مر مر کے لحد میں میں نے جا پائی ہے
مر مر کے لحد میں میں نے جا پائی ہے یاں تک مجھے تیری ہی کشش لائی ہے آ اے مرے منہ چھپانے والے آ جا خلوت ہے شب تار ہے تنہائی ہے
ممتاز شاعر،اصناف سخن میں رباعی کے لیے مشہور
امجد حیدر آبادی
Prominent poet, known for his Rubaai
امجد حیدر آبادی کی رباعی
ہر قطرے میں بحر معرفت مضمر ہے
ہر قطرے میں بحر معرفت مضمر ہے ہر اک ذرے میں کچھ نہ کچھ جوہر ہے ہو چشم بصیرت تو ہر چیز اچھی گر آنکھ نہ ہو تو لعل بھی پتھر ہے
یہ سنگ نشاں ہے منزل وحدت کا
یہ سنگ نشاں ہے منزل وحدت کا پیدا ہوا پھر کوئی نہ اس صورت کا انسان جسے کہتے ہیں دنیا والے قد آدم ہے آئینہ قدرت کا
ہے ان کی یہی خوشی کہ ہم غم میں رہیں
ہے ان کی یہی خوشی کہ ہم غم میں رہیں ہر وقت صدائے ارحم ارحم میں رہیں ہے مقصد دم کہ دم نہ لیں ہم دم بھر جب تک دم ہے تلاش ہمدم میں رہیں
سب کہتے ہیں مرکز بدی ہے دنیا
سب کہتے ہیں مرکز بدی ہے دنیا کس کی مردود کی ہوئی ہے دنیا شاکی دنیا کا ہے ہر اک دنیا میں آخر کس کے لیے بنی ہے دنیا
کم ظرف اگر دولت و زر پاتا ہے
کم ظرف اگر دولت و زر پاتا ہے مانند حباب ابھر کے اتر آتا ہے کرتے ہیں ذرا سی بات پر فکر خسیس تنکا تھوڑی سی ہوا سے اڑ جاتا ہے