وہی شکستہ سائیکل وہی اداس زندگی

وہی شکستہ سائیکل وہی اداس زندگی
ترے لیے تو کچھ نہیں ہمارے پاس زندگی


یہ کوہ و دشت و رہ گزار ڈھونڈتے رہے تجھے
کسے خبر کہ ہے کہاں ترا نواس زندگی


عجیب مسئلوں میں ہے حیات جاوداں مری
یقین لا وجودیت مگر قیاس زندگی


تجھے تو سبز جنگلوں کی رنگ و بو سے واسطہ
تری گرفت میں کہاں یہ سبز گھاس زندگی


ہمیں بھی گھن لگا گئی امید بے کراں تری
تجھے بھی چاٹتی رہی ہماری آس زندگی