اپنے ہی دل اپنوں کا دکھاتے ہیں بہت
اپنے ہی دل اپنوں کا دکھاتے ہیں بہت ڈیڑھ اینٹ کی مسجدیں بناتے ہیں بہت ہر چند کہ ہیں دانت نہایت ہم درد لیکن جب ہل گئے ستاتے ہیں بہت
اپنے ہی دل اپنوں کا دکھاتے ہیں بہت ڈیڑھ اینٹ کی مسجدیں بناتے ہیں بہت ہر چند کہ ہیں دانت نہایت ہم درد لیکن جب ہل گئے ستاتے ہیں بہت
عید رمضاں ہے آج با عیش و سرور ہم کو بھی ادائے تہنیت ہے منظور اس عید سعید کی خوشی میں حضرت قومی بچوں کو یاد رکھیے گا ضرور
کاٹھ کی ہنڈیا چڑھی کب بار بار کھو دیا جھوٹے نے اپنا اعتبار بات جھوٹی جو زباں پر لائے گا سچ بھی اس کا جھوٹ سمجھا جائے گا
توحید کی راہ میں ہے ویرانۂ سخت آزادی و بے تعلقی ہے یک لخت دنیا ہے نہ دین ہے نہ دوزخ نہ بہشت تکیہ نہ سرائے ہے نہ چشمہ نہ درخت
پانی میں ہے آگ کا لگانا دشوار بہتے دریا کو پھیر لانا دشوار دشوار سہی مگر نہ اتنا جتنا بگڑی ہوئی قوم کو بنانا دشوار
دنیا کے لئے ہیں سب ہمارے دھندے ظاہر طاہر ہیں اور باطن گندے ہیں صرف زبان سے خدا کے قائل دل کی پوچھو تو خواہشوں کے بندے
پر شور الفت کی ندا ہے اب بھی جو تھی وہی آن اور ادا ہے اب بھی ہوتی نہیں سنت الٰہی تبدیل جس شان میں ہے وہی خدا ہے اب بھی
ہر خواہش و عرض و التجا سے توبہ ہر فکر سے ذکر سے دعا سے توبہ از بس کہ محال ہے سمجھنا اس کا جو آئے سمجھ میں اس خدا سے توبہ
گر جور و جفا کرے تو انعام سمجھ جس کام سے وہ خوش ہو اسے کام سمجھ گر کفر کی راہ سے رسائی ہو وہاں اس کفر کو تو جادۂ اسلام سمجھ
دنیا کو نہ تو قبلۂ حاجات سمجھ جز ذکر خدا سب کو خرافات سمجھ اک لمحہ کسی مرد خدا کی صحبت آ جائے میسر تو بڑی بات سمجھ