مجھے ڈرایا گیا تھا بچپن میں ایک آسیب سے وہ آسیب! جس کا پھولوں کے بیچ گھر تھا وہ شوخ پھولوں کی چھاؤں میں پلنے والی خوشبو کا ہم سفر تھا مجھے ڈرایا گیا تھا لیکن طویل گرمی کی ہر سہانی سی دوپہر کو میں اپنی ماں کی نظر بچا کر گلابی نیندوں کی ریشمی انگلیاں چھڑا کر دہکتے پھولوں کے درمیاں ...
کھیت میں کام کرتی ہوئی لڑکیاں جیٹھ کی چمپئی دھوپ نے جن کا سونا بدن سرمئی کر دیا جن کو راتوں میں اوس اور پالے کا بستر ملے دن کو سورج سروں پر جلے یہ ہرے لان میں سنگ مرمر کی بینچوں پہ بیٹھی ہوئی ان حسیں مورتوں سے کہیں خوبصورت کہیں مختلف جن کے جوڑے میں جوہی کی کلیاں سجیں جو گلاب اور ...
یہ کرب تخلیق کون جانے سوائے تیرے سوائے میرے تو بنت مریم میں بنت حوا مری مسیحا عجیب رشتہ ہے میرا تیرا وہ لمحۂ کرب جب مجھے اپنے جان و تن کی خبر نہیں تھی ہر ایک چہرہ تھا دھندلا دھندلا تمام شکلیں مٹی مٹی سی فقط تری شکل آئنہ تھی تری صدا تھی جو میرے تار نفس کو چھو کر لہو کی گردش بڑھا ...
خواتین کے عالمی دن پر میں نے اپنی بیٹی کو اپنی تازہ نظم سنا کر داد طلب نظروں سے دیکھا اس پل اس کی آنکھیں ایسی طنز بھری مسکان لئے تھیں جیسے مجھ سے کہتی ہوں ماں تم کتنی جھوٹی ہو
وقت کی بھٹکی ہوئی ارواح کا نوحہ ہوں میں ریت کی الواح پر کندہ کوئی مدفون دن مدقوق دن بے صراحت خواب کی تفہیم میں حیران و سرگرداں ہوں میں اپنے اندر اک عزا خانہ سجانے کی تگ و دو روز اک دیوار گریہ کو اٹھانے کی مشقت اور پس دیوار جانے کی تگ و دو
لاگ ان کرتے کرتے پہلی جو تصویر ابھری لاش تھی وہ لاش کا چہرہ کھلا ہوا تھا نیچے لائیک لکھا ہوا تھا کرسر اس پر کانپ رہا تھا اس کے نیچے سالگرہ کا کیک سجا تھا غباروں اور تحفوں سے سارا کمرہ بھرا ہوا تھا یہاں بھی لائیک لکھا ہوا تھا میں حیرت سے دیکھ رہی تھی سوچ رہی تھی نہ جانے اس نئی لغت ...
پس صحیفوں میں پیغمبروں نے لکھا خداوند نے کائنات کبیرہ کی تخلیق کے ساتویں روز آرام فرمایا تھا صرف چھ روز میں کائنات کبیرہ کی تخلیق کا یہ عمل پھر خدا سو گیا اور سوتا رہا اور اب جب سے تخلیق کا بار اٹھایا ہے میں نے پتا یہ چلا کہ مجھ میں وہی کائنات کبیرہ ہولے ہولے جواں ہو رہی ...
اے مرے آگہی کے پیمبر میں تجھے کون سے حرف کی نذر دوں حرف بنجر ہیں جذبوں سے سچائیاں چھن گئیں خواب اڑتی ہوئی دھول کی طرح آنکھوں میں چبھتے ہیں گویا زباں ریت کا ایک تودا بیاں سخت پتھریلے ساحل پہ پھیلی ہوئی بے ثمر جھاڑیاں اپنے بے فیض سائے سے خود منجمد فہم و ادراک و احساس یوں بے ...
سنو تم نے مجھے تکمیل کا احساس بخشا ہے کہ تم اس جسم میں پہلی تمنا کا شگوفہ ہو مگر یوں ہے کہ میری کوکھ میں کلکاریوں کی کروٹوں سے قبل اندیشے کی کونپل پھوٹ نکلی ہے میں اکثر سوچتی تھی یہ اکیلا گھر کبھی آباد بھی ہوگا میں اس ان دیکھے مہماں کی پذیرائی میں کیا کیا خواب بھیجوں گی میں طاق ...
مری بٹیا تجھے بھی میں نے جنما تھا اسی دکھ سے کہ جس دکھ سے ترے بھائی کو جنما تجھے بھی میں نے اپنے تن سے وابستہ رکھا اتنی ہی مدت تک کہ جب تک تیرے بھائی کو مرے تن کے ہر اک دکھ سکھ میں تم دونوں کا حصہ ایک جیسا مادر فطرت نے رکھا تھا مگر تو جس گھڑی دھرتی پہ آئی وراثت بانٹنے والوں نے اپنا ...