مٹھی میں چھپاتے ہیں گہر بولتے کم ہیں جو لوگ کہ رکھتے ہیں ہنر بولتے کم ہیں اب شوخئ گفتار عزیزوں میں نہیں ہے ملتے ہیں سر راہ مگر بولتے کم ہیں اشکوں ہی سے کچھ حال عیاں ہو تو عیاں ہو عشاق تو اے دیدۂ تر بولتے کم ہیں لگتا ہے کہ غافل ہیں زمانے سے یہ درویش رکھتے ہیں دو عالم کی خبر بولتے ...
یہ کس گماں پہ توقع ہے اے بھلے صاحب دعائیں دے بھی وہی جس کا گھر جلے صاحب بس اس لیے کہ ہواؤں سے کھیلنا سیکھے ہم آندھیوں میں جلا کر دیا چلے صاحب ہمارا قتل کسی شب کی داستاں تو نہیں یہ سانحہ بھی ہوا اور دن ڈھلے صاحب کبوتروں پہ جھپٹنے کی خو کہاں ان میں کہ یہ عقاب تو زاغوں میں ہیں پلے ...
ہر منظر ہستی پر کہتی ہے خرد کیا ہے دیکھا ہے جو سچ ہے بھی یا خواب تمنا ہے آباد ترا کوچہ عشاق سے ہے تیرے اللہ رکھے تجھ کو تو ہے تو تماشہ ہے کیا حال کیا تو نے اپنا غم جاناں میں وحشت سی برستی ہے کس سوچ میں ڈوبا ہے آزاد پرندوں کی مانند جنوں میرا یا دشت میں آوارہ یا وسعت صحرا ہے یہ عقل ...
ٹوٹے ہوئے دیوار و در اجڑی ہوئی تھی میری چھت اس نے کہا کیا حال ہے میں نے کہا سب خیریت بارات اک آتی ہوئی میت کوئی جاتی ہوئی یہ زندگی ہے تہ بہ تہ کھلتی نہیں اس کی پرت چہروں کی رنگت زرد سی محفل ہوئی کیوں سرد سی باقی اگرچہ ہم میں ہے اب بھی وہی تاب و سکت انساں پریشاں دہر میں وحشی درندے ...
ایک شے تھی کہ جو پیکر میں نہیں ہے اپنے جس کو دیتے ہو صدا گھر میں نہیں ہے اپنے تجھے پانے کی تمنا تجھے چھونے کا خیال ایسا سودا بھی کوئی سر میں نہیں ہے اپنے تو نے تلوار بھی دیکھی نگۂ یار بھی دیکھ یہ تب و تاب تو خنجر میں نہیں ہے اپنے کس قبیلے سے اڑا لائی ہے فوج اعدا ایسا جرار تو لشکر ...
شہر میں کیسا خطر لگتا ہے اپنے سائے سے بھی ڈر لگتا ہے آج پھر دل ہے دعا پر مائل بند پھر باب اثر لگتا ہے کچھ وقار در و دیوار نہیں ہو مکیں گھر میں تو گھر لگتا ہے آشیاں جس میں پرندوں کے نہ ہوں کتنا تنہا وہ شجر لگتا ہے آسماں کتنا جھک آیا ہے شریفؔ سر اٹھاتا ہوں تو سر لگتا ہے
کچھ بھی ہو اس سے جدائی کا سبب گھر جاؤ ڈھل چکی شام اندھیرا ہوا اب گھر جاؤ شب میں گھس آتے ہیں آسیب مرے شہروں میں تاک میں رہتی ہے یہ وحشت شب گھر جاؤ لوگ حق مانگنے پہنچے تھے شہنشاہ کے پاس نوک خنجر پہ ملا حکم کے سب گھر جاؤ نہیں یہ زخم قبیلے کے لیے باعث ناز قتل ہو لو کسی تلوار سے تب گھر ...
کس لیے گردش حالات کا رونا ہے میاں وہ تو ہو کر ہی رہے گا کہ جو ہونا ہے میاں فیصلہ کر نہ سکی عقل کہ اس دنیا میں آدمی خود کوئی قوت کہ کھلونا ہے میاں میں کسی چیز کو پا کر بھی کبھی خوش نہ ہوا جانتا ہوں کہ ہر اک چیز کو کھونا ہے میاں اس کا کیا ذکر کہ محروم ثمر ہیں ہم لوگ نسل فردا کے لیے ...