پیک خیال بھی ہے عجب کیا جہاں نما آیا نظر وہ پاس جو اپنے سے دور تھا اس ماہرو پہ آنکھ کسی کی نہ پڑ سکی جلوہ تھا طور کا کہ سراسر وہ نور تھا دیتے نہ دل جو تم کو تو کیوں بنتی جان پر کچھ آپ کی خطا نہ تھی اپنا قصور تھا ذرہ کی طرح خاک میں پامال ہو گئے وہ جن کا آسماں پہ سر پر غرور تھا
یہ فرق جیتے ہی جی تک گدا و شاہ میں ہے وگرنہ بعد فنا مشت خاک راہ میں ہے نشاں مقام کا غم اور نہ رہنما کوئی غرض کہ سخت اذیت عدم کی راہ میں ہے گدا نے چھوڑ کے دنیا کو نقد دیں پایا بھلا یہ لطف کہاں شہ کے عز و جاہ میں ہے پسند طبع نہیں اپنی چار دن کا ملاپ مزا تو زیست کا اے میری جاں نباہ ...
رکے ہے آمد و شد میں نفس نہیں چلتا یہی ہے حکم الٰہی تو بس نہیں چلتا ہوا کے گھوڑے پہ رہتا ہے وہ سوار مدام کسی کا اس کے برابر فرس نہیں چلتا گزشتہ سال جو دیکھا وہ اب کے سال نہیں زمانہ ایک سا بس ہر برس نہیں چلتا نہیں ہے ٹوٹے کی بوٹی جہان میں پیدا شکستہ جب ہوا تار نفس نہیں چلتا
کچھ کام نہیں گبرو مسلماں سے ہمیں ہے کفر سے کچھ بحث نہ ایماں سے ہمیں رہنے کے لیے دیر و حرم ہیں یکساں اک روز سفر کرنا ہے پھر یاں سے ہمیں
جب تک ہے شباب سازگار دولت ہر قصر میں سو نقش و نگار دولت پیری آئی تو شورؔ صاحب پھر کیا سب خاک میں مل گئی بہار دولت
دولت نے معاونت جو کی تو کیا کی طالع نے مساعدت جو کی تو کیا کی پیری میں نہیں فائدہ کچھ بھی اے شورؔ دنیا نے موافقت جو کی تو کیا کی
گرجا میں گئے تو پارسائی دیکھی اور دیر میں جا کے خود نمائی دیکھی جب چھوڑا خودی کو غور کر کے اے شورؔ دیکھا تو ہر اک سمت خدائی دیکھی
کیا وصف لکھوں زلف سیہ کی لٹ کا ہر پیچ میں اک دل کو لیا ہے لٹکا اے شانہ زہے قسمت عالی تیری کیا خوب ترے ہاتھ لگا ہے لٹکا