کل کل کرتی جاتی ندیا کتنی ہنستی گاتی ندیا جیون کا سنگیت سناتی بل کھاتی شرماتی ندیا پانی سے بھر جاتی ہے جب ساگر میں مل جاتی ندیا موجیں لہریں جھلمل جھلمل سب کے دل کو بھاتی ندیا اپنے غم کو سہہ جاتی ہے ہر دم ہنستی گاتی ندیا سکھ دکھ کو ہو ساتھی جیسے راہ میں آتی جاتی ندیا
ابھی تک منتظر ہوں میں کوئی جھونکا ہوا کا اس طرح آئے کہ اپنے ساتھ لے جائے اڑا کر آسماں کی بے کرانی میں جہاں دل میں کوئی خواہش اٹھائے سر نہ کوئی وسوسہ جاگے
پوچھتا ہوں جب کبھی میں ان فرشتوں سے کہ لکھا کیا ہے تم نے حال میرے ان گناہوں کا جنہیں میں روز کرتا ہوں تو ظالم کچھ بتاتے ہی نہیں ہیں ہاں مگر وہ حال میرے ان گناہوں کا سناتے ہیں جنہیں بھولے سے بھی میں نے کبھی سوچا نہیں ہے
بیابان و صحرا کو میں زیر کرتا چلا جا رہا ہوں مگر یہ یقیں ہے کہ تاریک آنکھوں سے پردہ ہٹے گا اندھیرے اجالوں میں تبدیل ہوں گے نظر مجھ کو آئے گا روشن ستارہ کہ چاہت میں جس کی ازل سے زمیں پر سفر پر سفر طے کیے جا رہا ہوں
بگولے شور کرتے ہیں مری خواہش کی دنیا میں جہاں ویرانیاں ہیں اور بہت سے بانجھ پیڑوں کی قطاریں ہیں کہ جن کی بے کرانی میں بہت دن ہو گئے موسم نہیں آئے بہاروں کے نہیں تو بلبلیں چہکیں نہیں تو پھول ہی مہکے مدھر آواز کوئل کی نہیں آئی بہت دن ہو گئے کہ ہر سو گہری ویرانی کا کیسا دور دورہ ...
زمیں سے آسماں کے درمیاں بے سمت راہوں میں مرے شہ پر سدا پرواز کرتے ہیں کہاں پرواز پر کوئی مری قدغن لگاتا ہے اور ان آنکھوں میں منزل ہی مری کب مسکراتی ہے
اپنی منزل کی طرف مضمحل انداز سے چلتا ہوا میں جا رہا تھا تھی خبر کچھ بھی نہیں دھوپ کے ڈھلتے ہی پرچھائیں مری ساتھ میرا چھوڑ کر آگے مرے ہو جائے گی بے نور راہوں میں اکیلا گرد کو اڑتا ہوا میں دیکھتا رہ جاؤں گا
ہمیشہ میں نے دیکھا ہے کہ سورج شام ہوتے ہی سما جاتا ہے اپنی موت کی آغوش میں لیکن عجب ہے موت کی وادی جہاں سے لوٹ کر کوئی نہیں آتا اگر ہے زندگی سورج تو اک دن ڈھل ہی جائے گی جتن کرتے رہو گے لاکھ واپس پھر نہ آئے گی مگر سورج تو آئے گا