کلام اقبال: خودی کا سر نہاں لا الہ الا اللہ 

خودی کا سر نہاں لا الہ الا اللہ 

یہ دور اپنے براہیم کی تلاش میں ہے 
صنم کدہ ہے جہاں لا الہ الا اللہ 

نعمان شاہ بخاری کی آواز میں سنیے: خودی کا سرِ نہاں

Khudi Ka Sirre Nihan La Ilaha Illallha Noman Shah

null

کیا ہے تو نے متاع غرور کا سودا 
فریب سود و زیاں لا الہ الا اللہ 

یہ مال و دولت دنیا یہ رشتہ و پیوند 
بتان وھم و گماں لا الہ الا اللہ 

خرد ہوئی ہے زمان و مکاں کی زناری 
نہ ہے زماں نہ مکاں لا الہ الا اللہ 

یہ نغمہ فصل گل و لالہ کا نہیں پابند 
بہار ہو کہ خزاں لا الہ الا اللہ 

اگرچہ بت ہیں جماعت کی آستینوں میں 
مجھے ہے حکم اذاں لا الہ الا اللہ