سارےگاما پا دھانی
سارےگاما پا دھانی
سر میں لے سانسیں جانی
نادانی سی نادانی
من کرتا من مانی
دنیا جانی پہچانی
ہستی اپنی انجانی
آئینے میں آئینہ
حیرانی سی حیرانی
آنکھوں سے مت چھلکانا
اجڑے دل کی ویرانی
بادل پی کے آیا تھا
پروائی بھی مستانی
خود کو ہارے تو جیتے
راجا کے من کو رانی
گھر میں بھی بس یوں ہی ہوں
اپنوں میں اک بیگانی
جینا ہے مر جانے کو
مشکل سی اک آسانی
الٹے مجھ پر ہنستی ہے
دنیا پاگل دیوانی
گمناموں سی رہتی ہے
پنہاںؔ جانی پہچانی
