جس درجہ ہو مشکلات کی طغیانی
جس درجہ ہو مشکلات کی طغیانی ہو اہل ہم کو اور بھی آسانی تیراک اپنا ہنر دکھاتا ہے خوب ہوتا ہے جب اس کے سر سے اونچا پانی
جس درجہ ہو مشکلات کی طغیانی ہو اہل ہم کو اور بھی آسانی تیراک اپنا ہنر دکھاتا ہے خوب ہوتا ہے جب اس کے سر سے اونچا پانی
کہتے ہیں سبھی مسدام اللہ اللہ کرتے ہیں برائے نام اللہ اللہ یہ نام و نشان بھی نقاب رخ ہیں کیا خوب ہے انتظام اللہ اللہ
تیزی نہیں منجملۂ اوصاف کمال کچھ عیب نہیں اگر چلو دھیمی چال خرگوش سے لے گیا ہے کچھوا بازی ہاں راہ طلب میں شرط ہے استقلال
تاریک ہے رات اور دنیا ذخار طوفان بپا ہے اور کشتی بے کار گھبرائیو مت کہ ہے مددگار خدا ہمت ہے تو جا لگاؤ کھیوا اس پار
حقا کہ بلند ہے مقام اکبر توقیع سخن ہے اب بہ نام اکبر دیواں ہے لطائف و حکم سے معمور اکبرؔ کا کلام ہے کلام اکبر
افسردگی اور گرم جوشی بھی غلط گم گشتگی اور خود فروشی بھی غلط کچھ کہئے اگر تو گفتگو ہے بے جا چپ رہئے اگر تو ہے خموشی بھی غلط
چوپائے کی طرح تو کتابوں سے نہ لد حاصل ہے کتاب کا فقط علم و خرد کیڑوں نے ہزارہا کتابیں کھا لیں پائی نہ مگر کبھی فضیلت کی سند
گر نیک دلی سے کچھ بھلائی کی ہے یا بد منشی سے کچھ برائی کی ہے اپنے ہی لئے ہے سب نہ اوروں کے لئے اپنے ہاتھوں نے جو کمائی کی ہے
مقصود ہے قید جستجو سے باہر وہ گل ہے دلیل رنگ و بو سے باہر اندر باہر کا سب تعین ہے غلط مطلب ہے کلام و گفتگو سے باہر
اب قوم کی جو رسم ہے سو اول جلول فاسد ہوئے قاعدے تو بگڑے معمول ہے عید مہذب نہ محرم معقول ہنسنا محمود ہے نہ رونا مقبول