مجھے پڑھو تو پڑھو میری داستاں سے الگ

مجھے پڑھو تو پڑھو میری داستاں سے الگ
میں گلستاں میں بھی یوں ہوں کہ گلستاں سے الگ


ہو کوئی وصل کا لمحہ کہ ہجر کا عالم
حجاب شوق ہوا ہے نہ درمیاں سے الگ


نقوش سجدہ زمانہ کہاں تلاش کرے
مری جبیں سے جدا تیرے آستاں سے الگ


یہ جاں نواز بہت ہے وہ کم سے کم جاں سوز
بہار سے ہے شکایت جدا خزاں سے الگ


ہجوم درد و الم دل کے ساتھ تھا نشترؔ
یہ کارواں بھی ہوا میر کارواں سے الگ