1. صفحۂ اول
  2. قومی زبان
  3. شاعری
  4. گھٹاؤں سے جب بھی ملاقات ہوگی

گھٹاؤں سے جب بھی ملاقات ہوگی

گھٹاؤں سے جب بھی ملاقات ہوگی
سمندر کے دکھ درد کی بات ہوگی


بتا اے فلک کب سلگتی زمیں پر
گھٹاؤں کی چشم عنایات ہوگی


سکون جگر تم کسی سے نہ مانگو
یہ دولت ملی بھی تو خیرات ہوگی


اگر زخم دل پر لگاؤ گے مرہم
نہ گرجے گا بادل نہ برسات ہوگی


خبر کیا تھی مٹ جائے گی آدمیت
کہیں نسل ہوگی کہیں ذات ہوگی


ستاروں سے یہ کام ممکن نہیں ہے
چراغوں سے طوفان کی مات ہوگی


سبھی بادلوں کے خزانے ہیں خالی
قمرؔ کیسے اس سال برسات ہوگی


قمر سیوانی سے متعلقہ

چاند جب میری چھت پہ آتا ہے

چاند نکلے گا تو گھر گھر میں اجالے ہوں گے

حرف دریا ہے دل سمندر ہے

لب فسردہ کو ساغر تلاش کرتا ہے

زمانہ دیتا ہے جس کو وقار کی خوشبو

خودی کے باغ کے پھولوں کی تازگی ہوں میں

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن