ہم نہیں چاہتے کہ دولت ہو کون ممنون بخت و قسمت ہو آستیں بھی نچوڑ ڈالیں گے اشک کے پوچھنے سے فرصت ہو اس پہ کیجے گمان شکوے کا بات کرنے کی جس میں طاقت ہو منہ ترا دیکھنا نصیب نہ ہو منہ سے نکلی اگر شکایت ہو تم سا ناظمؔ ذہین اور دانا اس طرح مبتلائے الفت ہو
میں کیا خوش ان کے خواب میں آنے سے ہو گیا شرمندہ ہوں کہ کیوں شب ہجراں میں سو گیا مدت میں گر پتا بھی ملا کوئے یار کا قاصد گیا تو راہ میں نامے کو کھو گیا گلچیں کی آگ سے بھی نہ حاصل ہوئی مراد کیوں ابر آشیانہ ہمارا بھگو گیا ناظمؔ حکایت غم ہجراں تمام کر شکر خدا کہ ناصح بے صرفہ گو گیا
یہ خوشی کیا ہے کہ ہے ذکر ہمارا ہوتا ہوتے ہم اور ہمیں بات کا یارا ہوتا وعدۂ وصل نہ ہوتا تو ہم ایسے بھی نہ تھے کہ ہمیں ہجر میں مرنا نہ گوارا ہوتا درد دل میں نہیں جاتی سخن آرائی پیش کاش یہ قصۂ اسکندر و دارا ہوتا دیتے دستک تو وہ آزردہ نہ ہوتا ناظمؔ نام لے کر اسے در پر نہ پکارا ہوتا
پردہ ور تھا غم پنہاں میرا ہو گیا چاک گریباں میرا دل سے نکلا پہ نہ نکلا دل سے تیر تیرا ہے تو پیکاں میرا اور کھانے کو دھرا ہی یاں کیا میرا غم کھائے گا مہماں میرا راہ نکلی تو ہے واں جانے کی شوق ہے سلسلہ جنباں میرا یہ جو اب ان کے ہے دروازے پر تھا کسی عہد میں درباں میرا نام یوسفؔ ہے ...
انداز نرالا ہے ادا اور ہی کچھ ہے یہ حسن نہیں نام خدا اور ہی کچھ ہے کہتے ہو ہم اب غیر کو آنے نہیں دیتے یا رب یہی سچ ہو پہ سنا اور ہی کچھ ہے پردہ نہ رکھا تیرے لب روح فزا نے ہم جانتے تھے آب بقا اور ہی کچھ ہے جو میں نے کہا تھا وہ بگڑنے کی نہ تھی بات کہتا ہوں کہ قاصد نے کہا اور ہی کچھ ...