ہم کہ تھے خوش فہم دن کی بے پناہی دیکھ کر ہاتھ ملتے رہ گئے شب کی سیاہی دیکھ کر کون دامن دیکھتا ہے کون سنتا ہے دلیل جرم ثابت ہو رہا ہے بے گناہی دیکھ کر ہم نہ کہتے تھے دنوں میں اک ہمارا دن بھی ہے دن بدلتے ہیں ہماری داد خواہی دیکھ کر دلبری سے خود پرستی نے رکھا نا آشنا رکتے رکتے رک ...
دل گوارہ چبھن ہی مرتی ہے اب تمہاری لگن ہی مرتی ہے قدر کیا دعویٔ انا الحق کی فکر دار و رسن ہی مرتی ہے روح کی بحث کس لیے کہ یہاں آرزوئے بدن ہی مرتی ہے شام گوشہ نشینی کیا کیجے صبح سیر چمن ہی مرتی ہے اس کہانی میں اک روایت سے کیوں کوئی گل بدن ہی مرتی ہے
نم ترسیل کے سوتوں کو چھپائے رکھا مجھ سماعت نے صداؤں کو چھپائے رکھا پیڑ جلتے رہے آوارہ رہی گرد ملال دھوپ نے ابر کی چھاؤں کو چھپائے رکھا طاق تھا خواب تھا تنہائی تھی تاریکی تھی رات نے صرف چراغوں کو چھپائے رکھا عشق میں ہم نے تمناؤں کی وحدت کے لیے ایک دوجے سے مزاجوں کو چھپائے ...
ہر چند کہ لائے تھے جگر چیر کے موتی ارزاں ہی رہے نالۂ شب گیر کے موتی اک ماں نے بلکتے ہوئے بچوں کے لیے شب بیچے کسی بازار میں توقیر کے موتی ہر رنگ جماتے ہیں یقیں تاب بدن کا ان خواب سے ہونٹوں پہ اساطیر کے موتی دہلیز محبت سے سمیٹے ہیں ہمیشہ تارے کسی شیریں کے کسی ہیر کے موتی خاموشی ...
حکایتوں سے فسانوں سے ریت اڑتی ہے یہاں قدیم زمانوں سے ریت اڑتی ہے نشیب جاں سے امڈتے ہیں تازہ رو دریا بلند بام مکانوں سے ریت اڑتی ہے لپک الگ ہے چمک اور ہے للک ہے جدا یہ کیسی کیسی اٹھانوں سے ریت اڑتی ہے یہاں کتابوں سے جھڑتی ہیں بھربھری صدیاں اور ایک شیلف کے خانوں سے ریت اڑتی ...
اس ایک ڈر میں کہ آخر کو ٹوٹ جائے گا یہ آئنہ مرے ہاتھوں سے چھوٹ جائے گا میں توڑ سکتا ہوں پل میں سکوت سنگ نسب مگر یہ دھیان کہ اک شخص روٹھ جائے گا ضرور بجھ کے رہے گا رخ سفر طلبی یہ آبلہ ہے تو اک روز پھوٹ جائے گا یقین تھا کہ کوئی سانحہ گزرنا ہے گماں نہ تھا کہ ترا ساتھ چھوٹ جائے گا ہم ...
اک رنگ سا چھلکا تھا مگر باس نہ آئی وہ موج گذشتہ بھی کوئی خاص نہ آئی اس بات پہ حجت ہیں چہکتے ہوئے قریے ہر شخص کو جنگل کی فضا راس نہ آئی خوں ہو کے اگرچہ دل صد چاک بھی ٹپکا ہاتھوں میں ولیکن رگ احساس نہ آئی تب رنج کھلے دھوپ گنوا دینے کے ہم پر ان سیم زدہ کنجوں میں جب گھاس نہ آئی پانی ...
بال شیشے میں کہیں بال سے میں ہوتا ہوں بے یقینی میں پڑے جال سے میں ہوتا ہوں ایسا بیمار بناتی ہے تری آنکھ مجھے ایسے گلنار ترے گال سے میں ہوتا ہوں تجھ پہ وہ عمر گزاری میں کہیں آئے نہ آئے شعر کہتے ہوئے جس حال سے میں ہوتا ہوں دام و درہم ہنر خواب کے بدلے لاؤ ایسے مرعوب کہاں مال سے میں ...
ہو کے آئینہ مقابل بھی رہا رد کہ نہیں درمیاں آج بھی ہے ہجر کی سرحد کہ نہیں دلبراں یوں ہی نہ تھی کفر پرستی دل کی فتنۂ صبح قیامت ہے ترا قد کہ نہیں ہاں بتا وہم سے کترائے ہوئے حسن یقیں ننگ تحقیق ہوئی رسم اب و جد کہ نہیں دل سے اس رشک چراغ حرم و دیر کے بعد ہے وہی وحشت تاریکیٔ معبد کی ...
کہاں سنبھلتے ہیں بہتے ہوئے بہاؤ میں لوگ مگر جو زخم اٹھائیں گے اس چناؤ میں لوگ تمہارے نیم تبسم سے صاف ظاہر ہے ہم ایسے مار دیے جائیں رکھ رکھاؤ میں لوگ یہ میرے حق میں لگاتار بولتے ہوئے اب کسی نتیجے پہ پہنچے ترے دباؤ میں لوگ دہک رہا ہے ابھی سے رخ زیاں کاری سفر کا جائزہ لیں گے کسی ...