مے پرستی میں ہی گزر جاؤں اس سے پہلے کہ میں سدھر جاؤں اپنا وعدہ نبھا نہیں سکتا کاش اس آنکھ سے اتر جاؤں مجھ کو مت اس نگاہ سے دیکھو یہ نہ ہو اب کہ میں ٹھہر جاؤں یار ہوں سب کا میں اگر خوش ہوں غیر ہوں میں جو منتشر جاؤں آج کتنی خوشی کا دن تھا عرشؔ اب مجھے چاہیے کہ مر جاؤں
بے بسی ہے خمار ہے کیا ہے نام اس کا بھی پیار ہے کیا ہے تیرا ہر وقت یوں نظر رکھنا یہ ترا اعتبار ہے کیا ہے کل تلک پر غرور آدم تھا آج مشت غبار ہے کیا ہے ہو چلے ہم تو نام کے عاشق نام نقش و نگار ہے کیا ہے نام اس کا کسے نہیں معلوم عرشؔ جو دل فگار ہے کیا ہے
یار کی رہ گزار کو بھی دیکھ پھر غم روزگار کو بھی دیکھ گو چمن میں ہیں خون کے چھینٹے پر ذرا لالہ زار کو بھی دیکھ آدمی قابل یقین نہیں ایک دیکھا ہزار کو بھی دیکھ فلسفہ فلسفہ ہی تو ہے بس زندگی کے نگار کو بھی دیکھ دونوں کا لطف ختم کر لو گے گل کو بھی دیکھ خار کو بھی دیکھ زخم کو میں نے ...