پنجاب میڈیکل فیکلٹی: پیرامیڈیکل ڈپلومہ میں آن لائن اپلائی کرنے کا طریقہ

پنجاب میڈیکل فیکلٹی نے پیرامیڈیکل ڈپلومہ کورسز میں داخلے لیے اپلائی کرنے کی آخری تاریخ کا اعلان کردیا۔ پیرامیڈیکل کورسز میں داخلے کی آخری تاریخ 15 نومبر 2022 ہے۔ اس بار اپلائی کرنے کے لیے آن لائن پورٹل پر رجسٹر ہونا ضروری ہے۔

امیدواروں کو https://pmf.pshealthpunjab.gov.pk/pnas/account پر خود کو رجسٹر کروا کر آن لائن اپلائی کرنا ہوگا۔ اس کے ساتھ ویب پورٹل پر مطلوبہ تصدیق شدہ دستاویزات( قومی شناختی کارڈ، میٹرک اور ایف ایس سی، ڈومیسائل کی کاپی وغیرہ) اپ لوڈ کرنا ہوں گی۔

آن لائن اپلائی کرنے کا طریقہ

پیرامیڈیکل کورسز میں اپلائی کرنے کے لیے سنٹرل انڈکشن پورٹل (سی آئی ڈی) جانے کے لیے اس لنک پر کلک کیجیے۔

اس ویب پورٹل لنک پر کلک کرنے سے یہ صفحہ سامنے آئے گا۔

اپنا کمپوٹرائزڈ شناختی کارڈ نمبر درج کریں۔

شناختی کارڈ درج کرنے سے یہ صفحہ اوپن ہوجائے گا۔ اب آپ اپنا موبائل نمبر دیج کیجیے۔ آپ کو ایس ایم ایس کے ذریعے پاس ورڈ بھیجا جائے گا۔ یاد رہے کہ جو موبائل نمبر آپ درج کریں گے اسی نمبر پر مزید اطلاع سے متعلق معلومات (ٹریکنگ آئی ڈی اور میرٹ تفصیلات وغیرہ) بھیجی جائیں گی۔

اب آپ Register Account  پر کلک کیجیے

اپنا شناختی کارڈ نمبر اور جو پاس ورڈ آپ کو ایس ایم ایس کے ذریعے موصول ہوا ہے اسے Log in  پر کلک کر کے اندراج کیجیے۔

اب رجسٹریشن کے 4 مراحل ہیں:

1۔ پروفائل Profile

 پروفائل ٹیب میں میٹرک کی سند کے مطابق اپنا نام، ولدیت، تایخ پیدائش،نام ضلع، جنس، ڈومیسائل اور ڈاک کا پتا درج کرنے کے بعد  Save Profile  پر کلک کردیجیے۔

2۔ ذاتی کاغذات Qualification

اپنے کاغذات ( شناختی کارڈ فرنٹ، تصویر، ڈومیسائل) کو اپ لوڈ کیجیے۔ اگر آپ حافظ قرآن یا معذور شخص ہیں تو متعلقہ ڈاکومنٹ بھی ضرور اپ لوڈ کیجیے۔ Click Here To Upload پر کلک کیجیے۔

کاغذات اپ لوڈ ہونے کے بعد Proceed  پر کلک کیجیے۔

اب میٹرک رزلٹ کی تفصیل اور رزلٹ کارڈ اپ لوڈ کیجیے۔ اگر آپ ایف ایس سی پری میڈیکل ہیں تو اس کی تفصیل بھی درج کیجیے۔

3۔ ترجیحات کا اندراج Preferences

آپ نے جس کورس/ کیٹگری اور جس ادارے میں اپلائی کرنا ہے Apply Now  پر کلک کرکے اندراج کیجیے۔ آپ ایک سے زائد ادارے اور ایک سے زائد کیٹگری کا انتخاب کرسکتے ہیں۔ پھر Proceed Button  پر کلک کردیجیے۔

تمام معلومات کے اندراج کے بعد شرائط کے چیک باکس کو ٹِک کیجیے۔ آخر میں Submit & Lock Application  پر کلک کردیجیے۔

4۔ درخواست کا پرنٹ لینا Print Application

پورا پراسس مکمل ہونے کے بعد کمپوٹرائزڈ درخواست بن کر آئے گی اسے Print Application  پر کلک کرکے پرنٹ کرلیجیے یا ڈاؤن لوڈ کر لیجیے۔