1. صفحۂ اول
  2. قومی زبان
  3. شاعری
  4. یاد آیا نہ کرو دل کو جلانے والے

یاد آیا نہ کرو دل کو جلانے والے

یاد آیا نہ کرو دل کو جلانے والے
ہم نہیں اب کے ترا ہجر منانے والے


غم سنانے کے لیے میں بھی چلا جاؤں گا
لوگ مل جائے اگر اشک بہانے والے


نیند اس بار مرا ساتھ نہیں دے گی کبھی
خواب اس بار نہیں ہاتھ میں آنے والے


آ کسی روز مرے سامنے اک بار کہیں
خواب میں آ کے مری نیند چرانے والے


میں رہا اور مرا کام رہا دنیا میں
مٹ گئے جڑ سے مرا نام مٹانے والے


زندگی دوسرا گھر دیکھ کوئی اپنے لیے
ہم نہیں اب کے ترا بوجھ اٹھانے والے


پھر سے کرتا ہوں محبت کی شروعات وقاصؔ
خط جلاتا ہوں سبھی آج پرانے والے


وقاص یوسف سے متعلقہ

ہجر کی شام آخری تو نہیں

خوشیاں یاد نہیں ہیں اور غم یاد نہیں

سوچتے ہیں یار کے ہی سر پہ وار دیں تجھے

غم دل کو زمانے سے چھپانا بھی نہیں آتا

افسوس تری یاد نے رستہ نہیں بدلا

اپنی ہستی مٹائے پھرتا ہوں

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن