سوز سے ساز ہی نہیں حال ہے کچھ عجب ترا

سوز سے ساز ہی نہیں حال ہے کچھ عجب ترا
میں تو نیاز مند ہوں ناز ہے بے سبب ترا


عشوہ کامیاب ہے جو بھی ہے بے حساب ہے
رحم ترا کرم ترا قہر ترا غضب ترا


میں تو ہوں نقش زیر گام جانتا ہوں ترا مقام
مجھ پہ یہ کیا ہے اتہام میں نہ کروں ادب ترا


جانے کس طرح جائے گی جان یہ کب ترے لیے
آنے کی طرح آئے گا مجھ کو خیال کب ترا


دست دعا نہ پاس ہے بخت رسا نہ ساتھ ہے
کیوں ہو منورؔ حزیں بندۂ‌ منتخب ترا