1. صفحۂ اول
  2. قومی زبان
  3. شاعری
  4. سارا عالم تیرا مرکز کس کو مے خانہ کہیں

سارا عالم تیرا مرکز کس کو مے خانہ کہیں

سارا عالم تیرا مرکز کس کو مے خانہ کہیں
کس کو ساقی کس کو ساغر کس کو پیمانہ کہیں


شمع ہم کس کو کہیں اور کس کو پروانہ کہیں
کون ہیں اہل خرد اور کس کو دیوانہ کہیں


محو حیرت ہی رہیں ہم یا کہ جاناناں کہیں
غیر کا شکوہ کریں یا اپنا افسانہ کہیں


گر کوئی بدلے میں دل مانگے تو دیوانہ کہیں
ہم اسے تحفہ کہیں اور آپ نذرانہ کہیں


اے صدفؔ یہ آرزو ہے جان مے خانہ کہیں
ہم کو پروانہ کہیں وہ اپنا دیوانہ کہیں


صدف لکھنوی سے متعلقہ

حقیقت نہاں تھی عیاں ہو گئی ہے

شیدائے جستجو ہوں تلاش ثمر نہیں

غم ترا غم بھی ہے تسکین کا پیغام بھی ہے

یقیں سب کچھ گماں کچھ بھی نہیں ہے

مخاطب چشم ساقی ہو تو پھر آرام ملتا ہے

دے کے دل اپنا کسی قلب میں گھر پیدا کر

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن