کہنے کو تو چار ہیں موسم پانچواں موسم بنجر پن کا جس میں فکر کے سارے طائر حرف کی شاخ سے اڑ جاتے ہیں جس میں لفظ کی خوشبو سرسر لے جاتی ہے بے رنگی اور بے کیفی کے ان بانجھ پلوں میں خالی پن میں صبح سے لے کر شام تلک یاس کی تان پہ ناچ ناچ کے جسم کو بوجھل کر دیتے ہیں فکر و خیال کے سارے ...
ہم جرم محبت کی سزا پائے ہوئے ہیں بے وجہ نہیں ہے کہ جو شرمائے ہوئے ہیں تھی جن کی تب و تاب سے اس بزم کی رونق دیپک وہ سر شام ہی کجلائے ہوئے ہیں ہر سمت سیاہی ہے گھٹا ٹوپ اندھیرا کیا زلف دوتا آج وہ بکھرائے ہوئے ہیں ہم خوگر تسلیم و رضا آج ہیں ورنہ ماضی میں بہت ٹھوکریں بھی کھائے ہوئے ...
بھگت رہا ہوں خود اپنے کئے کا خمیازہ ٹپک رہا ہے جو آنکھوں سے یہ لہو تازہ کسی کی یاد کے سائے کو ہم سفر سمجھا لگا سکو تو لگا لو جنوں کا اندازہ کسے مجال کہ اب میرے دل میں گھر کر لے ہے گرچہ اب بھی کھلا اپنے دل کا دروازہ نگار وقت نے ہر سو کمند ڈالی ہے بکھر نہ جائے کہیں انجمن کا ...
کب شوق مرا جذبے سے باہر نہ ہوا تھا تھا کون سا قطرہ جو سمندر نہ ہوا تھا کیا یاد تری دل کو مرے کر گئی تاریک اک گوشہ بھی تو اس کا منور نہ ہوا تھا کس طرح کوئی عہد وفا مجھ سے کرے آج جب روز ازل میں یہ مقدر نہ ہوا تھا دیدار کی حسرت ہی ہوئی وجہ تاسف قسمت میں مری حرف مکرر نہ ہوا تھا آنکھوں ...
پہلے تو مجھ میں حشر بپا کر دیا گیا اور پھر بدن کو نذر صبا کر دیا گیا کانٹوں کی باڑ پر تھا گلابوں کا پیراہن پھولوں کو خار و خس کی قبا کر دیا گیا مانگی جو میں نے وصل کی لذت تو یہ کہا کہ تجھ کو درد ہجر عطا کر دیا گیا جب جب اسے پکارا کڑی دھوپ میں لگا سایہ سا جیسے مجھ پہ گھنا کر دیا ...
ایک دو پل کی آشنائی بس اور پھر عمر بھر دہائی بس عذر دینے میں کچھ نہیں لیکن میرے دامن میں ہے خدائی بس دید کی تاب ہی نہ دی اس نے اپنی آواز ہی سنائی بس کس نے آواز خد و خال کو دی میں نے تصویر ہی بنائی بس اس کے ہاتھوں میں وصل کے گہنے میرے کاسے میں ہے جدائی بس
یہ ستارے مجھے دیوار نہیں ہونے کے خواب سے ہم ترے بیدار نہیں ہونے کے میں نے پلکوں کو بچھایا ہے ترے قدموں میں راستے اب تجھے دشوار نہیں ہونے کے چاہے تو جام بقا دینے کا وعدہ کر لے اے مسیحا ترے بیمار نہیں ہونے کے درد کونین سے لبریز ہوں جن کے دامن وہ مرے غم کے خریدار نہیں ہونے ...
باغ میں کلیوں کا مسکانا گیا پھول پر تتلی کا منڈلانا گیا بے ہنر ہونا بھی گویا ہے ہنر راز یہ تاخیر سے جانا گیا میرے دل میں بھی تپاں ہیں ولولے کیوں مجھے بے آرزو مانا گیا بند غم سے ہم رہا نہ ہو سکے رائیگاں سب سب کا سمجھانا گیا ہاتھ ملتا رہ گیا شوق جنوں توڑ کر زنجیر دل دانا گیا ہو ...
اے خواہش یک طرفۂ تاراج جنوں سن سن دل کے قریں زمزمۂ کن فیکوں سن سننے کی ہے جو تاب تو پھر کھول دریچے اے گوش محبت مرا احوال زبوں سن کیوں اس میں جلاتا نہیں تو یاد کی شمعیں کب تک تو رہے گا یوں تہی کنج دروں سن اک بار وہ آیا تھا مری عشرت شب میں طاری ہے مرے دل پہ وہی شام فسوں سن خمیازۂ ...
خوابوں کی تعبیر بنا کر دیکھوں تو میں تیری تصویر بنا کر دیکھوں تو اک قیدی کو کروٹ لینا مشکل ہے پھولوں سے زنجیر بنا کر دیکھوں تو اک ویران سا رستہ ہو اور شام ڈھلے اس پر اک رہ گیر بنا کر دیکھوں تو دنیا تجھ پر قبضہ کرنے آتی ہے میں تجھ کو جاگیر بنا کر دیکھوں تو کاغذ کی کشتی میں دریا ...