یہ میرے شہر کا اک اور حادثہ ہوگا وہ کل یہاں مرا مہمان بن چکا ہوگا تلاش میں ہوں کسی کی میں کب سے سرگرداں اسی طرح کوئی مجھ کو بھی ڈھونڈھتا ہوگا مری طرح سے کوئی چیختا ہے راہوں میں مری طرح کوئی دنیا کو دیکھتا ہوگا لگا کے آئے گا چہرہ کوئی نیا شب میں وہ جس کو بیٹھ کے دن میں تراشتا ...
کارنامہ اے غم دل کچھ ترا یہ کم نہیں بہہ گئے آنکھوں سے دریا اور آنکھیں نم نہیں صاف تھا ہر لفظ اس کی بے بدل تقریر کا پھر لہو نے نقش جو چھوڑے ہیں وہ مبہم نہیں ہر زمانہ میں نہیں پہچاننا مشکل انہیں سر قلم ہوتے رہیں گے ان کے لیکن غم نہیں کربلا ہی نے کیے ہیں مرتسم دل پر نقوش ورنہ اس ...
شریک عالم کیف و سرور میں بھی تھا کہ رات جشن میں تیرے حضور میں بھی تھا عجیب وقت تھا دنیا قریب تھی میرے غضب یہ تھا ترے دامن سے دور میں بھی تھا غموں کے گھیرے میں جب رقص کر رہی تھی حیات تماش بیں کی طرح بے شعور میں بھی تھا نہ رکنا راہ میں شرط سفر میں شامل تھا تھکن سے ورنہ بہت چور چور ...
مختلف موضوعات پر رات بھر باتیں کرکے وہ لوگ تھک چکے تھے اور پھر ایسے وعدوں میں بندھ گئے تھے جس کا پورا ہونا ممکن نہ تھا کیونکہ کچھ لمحوں بعد وہ سب اپنا اپنا سامان اٹھائے مختلف راستوں پر چل پڑے تھے اور اسٹیشن پر سناٹا تھا
پھر مجھے ایسا لگا جیسے کاغذ پر سیاہی پھیلنے سے لفظ گڈمڈ ہو گئے ہوں آئنہ دھندلا گیا ہو جانے پہچانے ہوئے سب لوگ جیسے اجنبی سے بن گئے ہوں میرے کمرے میں پڑی ٹیبل کے خانوں سے نکل کر خط ہوا میں اڑ رہے ہوں باکس میں رکھا ہوا رومال شعلہ بن گیا ہو برف کے تودوں تلے دب کر ذہن بھی منجمد ہونے ...
آرزؤں کو وسعت نہ دو اپنے ہی دائرے میں مقید کرو ورنہ یہ پھیل کر ہر طرف سے تمہیں گھیر لیں گی نوچ ڈالیں گی زخمی کریں گی خود بکھر جائیں گے مر جائیں گے اپنی ہی لاش سر پر اٹھائے بیچ بازار ننگے پھرو گے اپنے ہی لوگ نزدیک آ کر تم کو دیکھیں گے منہ پھیر لیں گے تم کو غلطی کا احساس ہوگا تھوک ...
آگ کے شعلے اتارو حلق میں گاڑ دو کیلیں دھڑکتی چھاتیوں میں ڈال دو گردن میں پھندے رسیوں کے قتل کر لو خون کی ندیاں بہا لو ہو نہتا کوئی تو گولی چلا لو پھر بھی ہو کوئی کسر تو پوری کر لو جیت کا اعلان کر دو پھر بھی تم ڈرتے رہو گے اور ہر یگ میں تمہاری ہار ہی ہوتی رہے گی پھر بھی تم چہرے بدل کر ...
رگوں میں دوڑتا پھرتا لہو پھر تھم گیا ہے ہوائیں تیز ہیں سانسوں کی ہلچل رک گئی ہے ریڑھ کی ہڈی میں چیونٹی رینگتی ہے جسم میں پورے حرارت بڑھ گئی ہے ذائقہ کڑوا کسیلا ہو گیا ہے کہ شاید پھر کوئی اپنا پرایا ہو گیا ہے
یہاں تو نہ پیڑ ہے نہ سایہ نہ گھر ہے نہ گھر میں رہنے والے نہ زندگی ہے نہ کوئی ہلچل یہاں تو تا حد نظر دھوپ ہی دھوپ ہے ریت ہی ریت ہے دھوپ ہی دھوپ ہے تن کو جھلساتی دھوپ آگ برساتی دھوپ دھول اڑاتی دھوپ ریت اڑاتی ایک دم پرائی دھوپ
کوئی میرے لرزتے ہاتھ میں کاغذ کا پرزہ اور قلم پکڑا رہا تھا کبھی کچھ زیر لب ہی بڑبڑا کر کوئی اثبات میں آنکھوں کی اور ماتھے کی جنبش چاہتا تھا کبھی دانتوں میں ہونٹوں کو دبا کر کوئی رونے کی کوشش کر رہا تھا کوئی تو چند لمحوں بعد اپنے بال بکھرانے گریباں نوچنے کی فکر میں تھا کوئی غمگیں ...