مرے چارہ گر تجھے کیا خبر، جو عذاب ہجر و وصال ہے یہ دریدہ تن یہ دریدہ من تری چاہتوں کا کمال ہے مجھے سانس سانس گراں لگے، یہ وجود وہم و گماں لگے میں تلاش خود کو کروں کہاں مری ذات خواب و خیال ہے وہ جو چشم تر میں ٹھہر گیا وہ ستارہ جانے کدھر گیا نہ نشاط غم کا ہجوم اب نہ ہی سبز یاد کی ڈال ...
اس بار ہوا کن کا اثر اور طرح کا اس بار ہے امکان بشر اور طرح کا اس بار مدینے ہی میں در آیا تھا کوفہ اس بار کیا ہم نے سفر اور طرح کا اس بار نہ اسباب نہ چادر پہ نظر تھی اس بار تھا لٹنے کا خطر اور طرح کا اس بار کوئی عیب کوئی عیب نہیں تھا اس بار کیا ہم نے ہنر اور طرح کا اس بار کوئی خیر ...
جیسے خوشبو کو سلیقے سے صبا لے جائے کوئی ایسے ہی مجھے مجھ سے چھڑا لے جائے مرحلہ وار بکھرتی ہی گئی ہوں خود میں اب جدھر چاہے ہوا مجھ کو اڑا لے جائے جاذبیت ہے بڑی رونق دنیا تجھ میں اک غزال آئے مجھے سب سے بچا لے جائے ہائے وہ گرمیٔ بازار منا کہ مجھے ہر طلب خواب کے ناکے پہ بٹھا لے ...
فضا میں زہر گھولا ہم نے خود اب دم نکلتا ہے اجل کا پیرہن اوڑھے ہر اک موسم نکلتا ہے بھٹکتے کیوں ہیں مرہم کے لئے ہم دشت و صحرا میں ہمارے زخم کے اندر ہی سے مرہم نکلتا ہے ہمارے جسم کے اندر بسے ہیں سیکڑوں عالم ہر اک عالم کے اندر اک نیا عالم نکلتا ہے ہماری کامرانی نے کیا سورج کو بھی ...
آنکھوں میں تیری نور سحر چھوڑ جاؤں گا میں ظلمتوں میں شمس و قمر چھوڑ جاؤں گا مجھ کو تلاش کرتی رہے تجھ میں کائنات یادوں کا اپنی ایسا اثر چھوڑ جاؤں گا دیکھے گا تو ہر ایک کو میری نگاہ سے تیری نظر میں اپنی نظر چھوڑ جاؤں گا مجھ کو نہ کر سکے گا فراموش تو کبھی جینے کا میں تو مر کے ہنر ...
پیکر خاکی یہ مانا موت سے دو چار ہے زندگی تیرا مگر رستہ بہت دشوار ہے جو ہے مفلس وہ زمانے میں ذلیل و خوار ہے مال و زر ہو پاس جس کے صاحب کردار ہے رس رہا ہے خوں بدن سے بھیگتا ہے پیرہن زخم ہے میرے جگر کا یا کہ لالہ زار ہے خون دل سے میں نے سینچا ہے تجھے اے زندگی میرے ہی دم سے تو یہ چہرا ...
آہ زخمی ہے دل شکستہ ہے ہائے آنکھوں سے خوں برستا ہے ہو گئی ہیں لہو لہو سانسیں روح کو آ کے کوئی ڈستا ہے آ گیا ہے تو جا نہیں سکتا دل کی دنیا میں کوئی بستا ہے فرق کوئی نہیں ہے دونوں میں زندگی موت ہی کا رستہ ہے ساری دنیا میں مہنگا ہے پانی خوں زمانے میں آج سستا ہے لاش اپنی لئے بھٹکتا ...
زندگی تجھ سے بہت آج میں شرمندہ ہوں موت ہر سانس میں آتی ہے مگر زندہ ہوں جب کوئی راگ میں چھیڑوں تو برستا ہے لہو جس کا ہر ساز شکستہ ہے وہ سازندہ ہوں جھوٹ ہوتا نہ جو سچ بھی نہ جہاں میں ہوتا تیرگی ساتھ ہے اس واسطے تابندہ ہوں مجھ کو آتا نہیں دنیا کی غلامی کرنا اپنے جذبات و خیالات کا ...
زمیں پر سرنگوں بیٹھا ہوا ہوں اور اپنا ریزہ ریزہ چن رہا ہوں اگر الجھن نہیں کوئی تو کیوں میں مسلسل سوچتا ہوں جاگتا ہوں اسیر روز و شب ہے زندگانی میں اس تکرار سے اکتا گیا ہوں مری عریانیوں پر شور کیوں ہے اگر اندھوں میں ننگا ہو گیا ہوں تم اپنی روشنی محفوظ رکھنا تمہارے واسطے میں ...
ہر عکس میں جس کا مجھے جلوہ نظر آیا وہ آئنہ خانے میں اکیلا نظر آیہ جب دھیان گیا اپنی طرف خود پہ نظر کی صحرا بھی ہمیں خاک کا ذرہ نظر آیا تھا محو سفر اپنی ہی تکمیل کی جانب جو نقش بھی دیکھا وہ ادھورا نظر آیا اک روز اچانک اسے دیکھا تھا سفر میں پھر دور تلک دشت میں دریا نظر آیا اب شہر ...