کر کے خیرات گناہوں کو چھپاتا کیا ہے رنگ سونے کا تو پیتل پہ چڑھاتا کیا ہے پاپ تو رنگ نہیں ہے جو دھلے گا ناداں بہتی گنگا کے کنارے پہ نہاتا کیا ہے یہ الگ بات ہے سینے سے لگایا ہم نے بے وفائی کے سوا آپ کو آتا کیا ہے دل میں بھکتی ہو تو حالات سنور سکتے ہیں پھول مالا کسی دیوی پہ چڑھاتا ...
بندگی معتبر چاہئے آپ کا سنگ در چاہئے ہر بھلی چیز اچھی نہیں آدمی میں نظر چاہئے درد دل زندگی بن گیا کس کو اب چارہ گر چاہئے ایک جھٹکے کا ہے یہ قفس جرأت بال و پر چاہئے کوئی منزل بھی مشکل نہیں عشق سا راہبر چاہئے شعر کہنا ہے آساں امینؔ شاعری میں ہنر چاہئے
دلاسہ دینے نیکی کے فرشتے روز آتے ہیں مری ٹوٹی ہوئی چھت پر پرندے روز آتے ہیں مری مجبوریوں نے باندھ رکھا ہے مجھے ورنہ مرے بچوں کے سپنوں میں کھلونے روز آتے ہیں تلاش رزق میں اکثر سیانے گاؤں کے لڑکے ہمارے شہر میں رکشا چلانے روز آتے ہیں طواف عشق کا ارمان لے کر آسمانوں سے ہمارے کعبۂ ...
وہ کیا کریں کہ اپنی حماقت سے تنگ ہیں جو لوگ میری ذات کی شہرت سے تنگ ہیں راہ طلب میں خیر و خبر کس کی کون لے سب لوگ اپنی اپنی ضرورت سے تنگ ہیں کترا رہا ہے ہر کوئی اپنوں سے غیر سے جو مل گئے تو سب کی شکایت سے تنگ ہیں تاریکیاں گھنیری ہیں جگنو بھی کیا کرے رستے اندھیری رات کی ظلمت سے تنگ ...
بہت آزاد ہوتی جا رہی ہے غزل برباد ہوتی جا رہی ہے خدا محفوظ رکھے منچلوں کو گلی آباد ہوتی جا رہی ہے کبوتر چھت پہ تم آنے سے روکو نظر صیاد ہوتی جا رہی ہے کہیں نہ کربلا بن جائے دنیا زمیں بغداد ہوتی جا رہی ہے نہ جانے کیوں جہادی ذہنیت ہے طلب میں شاد ہوتی جا رہی ہے
وہ ایک شخص کہ باعث مرے زوال کا تھا زمیں سے ملتا ہوا رنگ اس کے جال کا تھا دل و نگاہ میں جھگڑا بھی منفرد تھا مگر جو فیصلہ ہوا وہ بھی بڑے کمال کا تھا میں جان دینے کا دعویٰ وہاں پہ کیا کرتا جو مسئلہ اسے درپیش تھا مثال کا تھا میں چاہتا تھا کہ وہ خود بخود سمجھ جائے تقاضا اس کی طرف سے ...
خلوت غم کے دریچوں پہ یہ دستک کیسی اے مری فخر وفا رشک چمن جان حیا دامن چشم میں ہے نامۂ الفت جب سے دل کا ہر سویا ہوا زخم مرا جاگ اٹھا جاں سپاری کی ادا مجھ کو سکھانے والے آج یہ حکم کہ میں پیار کا چرچا نہ کروں گھٹ کے رہ جاؤں پہ رخسار تری یادوں کے اپنی تخیل کی آنکھوں سے بھی چوما نہ ...
دل شکستہ کی نیم جاں خواہشوں کو جینا سکھا رہی ہے نگاہ افسوں بیان اس کی بتوں سے سجدہ کرا رہی ہے یہ پھول خوشبو یہ چاند تارے یہ گرتی بوندیں یہ ابر پارے سب اس کی آمد کے منتظر ہیں وہ خود کو سب سے چھپا رہی ہے یہ چاندنی میں نہایا دریا یہ محفل شب بھی خوب لیکن میں چاند پر جا رہا ہوں مجھ کو وہ ...
نشے میں یہ کیا سمجھ لیا تھا خدا کو بندہ سمجھ لیا تھا ذرا سی چپ تھی اسی کو تم نے نہ جانے کیا کیا سمجھ لیا تھا حسیں تھا وہ اس قدر کہ ہم نے نظر کا دھوکا سمجھ لیا تھا میں ایسا پاگل دیا تھا جس نے ہوا کو اپنا سمجھ لیا تھا ہم اس کے دل تک پہنچتے کیسے بدن کو راستہ سمجھ لیا تھا اسے یوں ...
تاراج خواہشوں کا مداوا نہ ہو سکا کوئی ہمارے واسطے عیسیٰ نہ ہو سکا اتنی شدید دھوپ تھی مجھ پہ کہ عمر بھر ابر و درخت سے کبھی سایہ نہ ہو سکا نیندوں میں چھوڑ کر ہمیں آگے نکل گیا ہم سے اس ایک خواب کا پیچھا نہ ہو سکا گزرے پھر ایک بار تو دونوں کے درمیاں وہ واقعہ جو طور پہ پورا نہ ہو ...