یہ کیا ہوا کہ سبھی اب تو داغ جلنے لگے ہوا چلی تو لہو میں چراغ جلنے لگے مٹا گیا تھا لہو کے سبھی نشاں قاتل مگر جو شام ڈھلی سب چراغ جلنے لگے اک ایسی فصل اترنے کو ہے گلستاں میں زمانہ دیکھے کہ پھولوں سے باغ جلنے لگے نگاہ طائر زنداں اٹھی تھی گھر کی طرف کہ سوز آتش گریاں سے داغ جلنے ...
شکست آسماں ہو جاؤں گا میں زمیں کو اوڑھ کر سو جاؤں گا میں خلاؤں میں مجھے ڈھونڈا کرو گے نظر سے دور جب ہو جاؤں گا میں تڑپ جس کی بنا دیتی ہے پاگل وہ یاد ہم سفر ہو جاؤں گا میں تمہاری آنکھ ہو جائے گی زخمی جہاں کی گرد میں کھو جاؤں گا میں مرے سجدے کبھی رسوا نہ ہوں گے تمہارا سنگ در ہو ...
شہود دل زدگاں منظروں میں رکھ آنا لہو کے داغ گلوں کے پروں میں رکھ آنا یہ خانوادۂ منصور مٹ نہ جائے کہیں مری متاع جنوں کچھ سروں میں رکھ آنا ہیں ان میں بند کسی عہد رستخیز کے عکس یہ میری آنکھیں عجائب گھروں میں رکھ آنا یہ رات پچھلے پہر آفتاب ڈھونڈے گی چراغ شام جلا کر دروں میں رکھ ...
کھو بیٹھی ہے سارے خد و خال اپنی یہ دنیا اب تو ہے فقط ایک دھمال اپنی یہ دنیا صدیوں کی ستم دیدہ غم و رنج سے معمور کس درجہ ہے زخموں سے نڈھال اپنی یہ دنیا زور آوریٔ ظلم ہے اس درجہ کہ قاتل کہتے ہیں کہ ہے ان کا منال اپنی یہ دنیا کب تک یہ ترا حسن تغافل ہے خدا یا اک لعب ہے بردست مجال اپنی ...
عکس کچھ نہ بدلے گا آئنوں کو دھونے سے آذری نہیں آتی پتھروں پہ رونے سے مسئلہ نہ سلجھے گا پیاس بجھ نہ پائے گی بے حسی کے ساغر میں آپ کو ڈبونے سے توڑ دو حدیں ساری یہ بھی تجربہ کر لو ذات اور سمٹے گی بے حجاب ہونے سے لب پہ زعم مے خواری اور قدم بہکتے ہیں صرف کاسۂ مے میں انگلیاں ڈبونے ...
مرے چراغو مرا گنج بیکراں لے لو میں جا رہا ہوں مری روشنئ جاں لے لو قریب ہے مرے خاکی لباس کی تحلیل مرے دماغ مرے دل مری زباں لے لو ہے میری آنکھوں میں عکس نوشتہ دیوار سمجھ سکو تو مرا نطق بے زباں لے لو مری جبیں پہ منقش ہیں راستوں کے چراغ بھٹک نہ جاؤ یہ دستور چیستاں لے لو رہین دشت ...
مکر حیات رخ کی قبا بھی اتار دی ہم نے تڑپ تڑپ کے یہ شب بھی گزار دی اب ہم پہ خاک دیکھیے کس دشت کی پڑے یاں تو اذان صبح سر اوج دار دی اب تم کرو سراغ جمال بتاں تلاش ہم نے تمہیں امانت چشم و عذار دی دیکھی ہیں یوں بھی چارہ گروں کی کرامتیں زخم لہو لہو کو دوا خار خار دی یوں بھی کیا ہے ہم نے ...
عام ہے اذن کہ جو چاہو ہوا پر لکھ دو عشق زندہ ہے ذرا دست صبا پر لکھ دو آ رہے ہیں سبھی اپنوں سبھی غیروں کے سلام تم بھی دشنام کوئی میری قبا پر لکھ دو پھر جلا ہے کسی آنگن میں کوئی تازہ چراغ پھر کوئی قتل کسی دست جفا پر لکھ دو حوصلہ سب نے بڑھایا ہے مرے منصف کا تم بھی انعام کوئی میری سزا ...
یہ زندگی جو ملی ہم کو کم محبت میں کہ جی سکے ہیں نہ مر پائے ہم محبت میں بس ایک شام تجھے دل نے کر دیا رخصت پھر اس کے بعد رہی آنکھ نم محبت میں یہ اور بات کہ تو نے بھلا دیے ہیں مگر ہمیں تو یاد ہیں تیرے کرم محبت میں تمہارا ہجر تو آیا ہے جان کو جاناں کرو نا وصل کی رت کو بھی ضم محبت ...
سورج طناب شام کو تھامے کھڑا رہے اس کے پلٹ کے آنے کا امکان سا رہے شب بھر در گماں رہے دستک کا منتظر گلیوں میں اک فریب کو آواز پا رہے ازبر رہیں کسی طرح پچھلی رفاقتیں سوکھے ہوئے شجر پہ بھی اک گھونسلہ رہے میں مثل بوئے گل ہوں ہواؤں کے ساتھ ساتھ محسوس کر سکے وہ مجھے ڈھونڈھتا رہے جاتے ...