مری نگاہ میں ساقی بھی ہے شراب بھی ہے کہ ماہتاب بھی ہے اور آفتاب بھی ہے مجھی کو خنجر قاتل نے انتخاب کیا مرا ہی قتل گنہ بھی ہے اور ثواب بھی ہے خدائی بھر کا جو حصہ تھا دے دیا مجھ کو مرے غموں کا الٰہی کوئی حساب بھی ہے بھلائے بیٹھے ہیں ارماںؔ نظام روز و شب مری نگاہ میں گل رو بھی ہے ...
رہ گئی آبروئے عشق تیرے حریم ناز میں ڈھل گیا سوز زندگی میرے شکستہ ساز میں بالیں پہ میری آ گئے مٹ گئیں تیرہ بختیاں گیسو دراز کر دئے طول شب دراز میں اے دل مضطرب سنبھل اتنا نہ بے قرار ہو عقدہ کشائی ہے تری قبضۂ کارساز میں حسن کی جلوہ گاہ میں عشق تو بے نیاز تھا فتنے ہزار کیوں اٹھے ...
مجھے مجھ سے ملاتی جا رہی ہے فقیری راس آتی جا رہی ہے یہ مٹی میرے خال و خد چرا کر ترا چہرہ بناتی جا رہی ہے یہ کس کی یاد ہے جو میرے دل میں مصلے سے بچھاتی جا رہی ہے عجب شے ہے سخن کی سر بلندی مرے سر کو جھکاتی جا رہی ہے جو مستی رقص میں رکھتی تھی مجھ کو وہ سجدوں میں رلاتی جا رہی ہے لہو ...
شاعری مجھ کو عجب حال میں لے جاتی ہے کبھی ماتم کبھی دھمال میں لے جاتی ہے میں کسی چشم نگہ دار کی حد میں ہوں کہ جو مجھ کو واپس مرے احوال میں لے جاتی ہے میری خواہش بڑی تفصیل طلب ہے لیکن تیری صورت مجھے اجمال میں لے جاتی ہے میں بچھاتا ہوں مصلیٰ سر محراب نیاز پھر عبادت مجھے پاتال میں ...
فصیل ذات سے باہر بھی دیکھنا ہے مجھے شکست خواب کا منظر بھی دیکھنا ہے مجھے ابھی تو میں نے فقط بارشوں کو جھیلا ہے اب اس کے بعد سمندر بھی دیکھنا ہے مجھے بنا رہا ہوں ابھی گھر کو آئنہ خانہ پھر اپنے ہاتھ میں پتھر بھی دیکھنا ہے مجھے سپاہ کار جہاں سے نمٹ چکا ہوں مگر تمہاری یاد کا لشکر ...
سبو میں عکس رخ ماہتاب دیکھتے ہیں شراب پیتے نہیں ہم شراب دیکھتے ہیں کسی بھی طور اٹھے پر تری نگاہ اٹھے جلا کے گھر تجھے خانہ خراب دیکھتے ہیں اسے نہ دیکھ سکیں گے اے کاش انہیں دیکھیں وہ کون ہیں جو اسے بے نقاب دیکھتے ہیں ہمارے چہرے پہ لکھا گیا فسانۂ وقت ہم آئینہ نہیں تکتے کتاب ...
زخم سب اس کو دکھا کر رقص کر ایڑیوں تک خوں بہا کر رقص کر جامۂ خاکی پہ مشت خاک ڈال خود کو مٹی میں ملا کر رقص کر اس عبادت کی نہیں کوئی قضا سر کو سجدے سے اٹھا کر رقص کر دور ہٹ جا سایۂ محراب سے دھوپ میں خود کو جلا کر رقص کر بھول جا سب کچھ مگر تصویر یار اپنے سینے سے لگا کر رقص کر توڑ دے ...
اس گلی سے مرے گزرنے تک سب تماشا ہے میرے مرنے تک تو مری جان رقص میں رہیو گردش کن فکاں ٹھہرنے تک وسوسوں سے بھرا ہوا تھا دل اس کی چوکھٹ پہ سر کو دھرنے تک کتنے صحرا اتر گئے مجھ میں اک سبو آرزو کا بھرنے تک کتنے عالم گزر گئے مجھ پر رقص کرنے سے سجدہ کرنے تک خون کتنا بہا تھا مقتل ...
سب لہو جم گیا ابال کے بیچ کون یاد آ گیا وصال کے بیچ ایک وقفہ ہے زندگی بھر کا زخم کے اور اندمال کے بیچ آن بیٹھا ہے ایک اندیشہ گفتگو اور عرض حال کے بیچ تال دیتی ہے جب کبھی وحشت رقص کرتا ہوں میں خیال کے بیچ کبھی ماتم میان رقص کیا کبھی سجدہ کیا دھمال کے بیچ ایک پردہ ہے بے ثباتی ...
اپنی تکمیل کر رہا ہوں میں اس گلی میں بکھر رہا ہوں میں جتنا جتنا جھکا رہا ہوں سر اتنا اتنا ابھر رہا ہوں میں اک صحیفہ ہوں آسمانوں کا اور زمیں پر اتر رہا ہوں میں گردش وقت روکنی ہے مجھے اس لیے رقص کر رہا ہوں میں قیس کے بھی قدم نہیں ہیں جہاں اس جگہ سے گزر رہا ہوں میں پوچھ لو مجھ سے ...