مداری
بندر والا اوڑھ دوشالہ
گاؤں میں آیا جوڑا لایا
بچے آئے بوڑھے آئے
نوجوان بھی پہلوان بھی
ڈگ ڈگ ڈگ ڈگ
ڈگ ڈگ ڈگ ڈگ
مست ہوئے ہیں دیکھ رہے ہیں
بندر ماما ڈال پاجامہ
آئی بندریا باندھ لنگٹیا
بندر بھورا دیکھ کے گھورا
ڈگ ڈگ ڈگ ڈگ
ڈگ ڈگ ڈگ ڈگ
کہے مداری کرماں ماری
بیاہ کرے گی ساتھ رہے گی
کچھ نہ بولی منہ نہ کھولی
بندر آیا خوب منایا
ڈگ ڈگ ڈگ ڈگ
ڈگ ڈگ ڈگ ڈگ
حامی بھر لی ہاں ہی کر لی
جورو لایا ناچ دکھایا
بجا کے تالی پیٹ ہے خالی
لگا بتانے اور دکھانے
ڈگ ڈگ ڈگ ڈگ
ڈگ ڈگ ڈگ ڈگ
سب کے ہاتھ سے پیسے برسے
اٹھا مداری کی تیاری
لے کر جھولا زور سے بولا
لو سلام جی رام رام جی
ڈگ ڈگ ڈگ ڈگ
ڈگ ڈگ ڈگ ڈگ
