1. صفحۂ اول
  2. قومی زبان
  3. شاعری
  4. کیا یہ ممکن ہے کہ اک خواب مسلسل دیکھوں

کیا یہ ممکن ہے کہ اک خواب مسلسل دیکھوں

کیا یہ ممکن ہے کہ اک خواب مسلسل دیکھوں
نیند کھل جائے تو منظر یہی پھر کل دیکھوں


نیم وا پردۂ دل کاش گرا دے کوئی
دیکھ پاؤں ترا چہرہ تو مکمل دیکھوں


قاف کے پار کسی دیس میں جا کر اتروں
آسماں پر تجھے نمناک سا بادل دیکھوں


دشت امکاں سے پرے وقت کے در پر پہنچوں
ایک لمحے کو جکڑ لوں اسے پل پل دیکھوں


جانے کیا عالم وحشت اثری ہو اندر
کون سا دشت وہاں کون سا جنگل دیکھوں


نبض رک جائے نہیں یہ نہیں لیکن اے کاش
حضرت دل میں کبھی میرؔ سا دنگل دیکھوں


عاصم بخشی سے متعلقہ

مرا گمان ہے شاید یہ واقعہ ہو جائے

ہر دم کچھ اضطراب کے ایسے بھنور میں ہوں

عجیب شخص ہوں فرط وبال ہوتے ہوئے

زندگانی سے لپٹ کر خود کو بہلاتا ہوں میں

گماں کے رخش سبک کی ایال تھامے ہوئے

جانے کیوں ہے ذہن غالب کہ میں سویا ہوا ہوں

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن