کچھ عشق بتاں کچھ فکر جہاں دل یاس کا مارا کیا کہیے
کچھ عشق بتاں کچھ فکر جہاں دل یاس کا مارا کیا کہیے
کشتی کو تلاطم کا خطرہ اور دور کنارہ کیا کہیے
اپنوں کے ہمیشہ جور و ستم غیروں کا سہارا کیا کہیے
کس طور کیا ہے دنیا میں دو روز گزارا کیا کہیے
بھٹکا ہوا آنسو پلکوں کی چلمن میں لرزتا ہے ایسے
جیسے کہ گھٹا کے آنچل میں الجھا ہوا تارا کیا کہیے
خود بیٹھے بٹھائے روتا ہے خود بیٹھے بٹھائے ہنستا ہے
دل آس کا مارا کیا کہیے دل یاس کا مارا کیا کہیے
سجدوں میں محبت کے زریںؔ جب جوش عبادت ہوتا ہے
تب جا کے کسی کو طوفاں میں ملتا ہے کنارا کیا کہیے
