1. صفحۂ اول
  2. قومی زبان
  3. شاعری
  4. ہوئے بھی عشق میں رسوا تو احترام کے ساتھ

ہوئے بھی عشق میں رسوا تو احترام کے ساتھ

ہوئے بھی عشق میں رسوا تو احترام کے ساتھ
تمہارا نام بھی آیا ہمارے نام کے ساتھ


تمہاری بزم میں سب کا گزر ہے میرے سوا
خصوصیت ہے ضروری صلائے عام کے ساتھ


شکایتوں کا فسانہ ترے تبسم پر
تمام ہو گیا اک آہ ناتمام کے ساتھ


ہر اک فضا میں مسرت کو غم سے نسبت ہے
تری سحر کو ہے اک ربط میری شام کے ساتھ


فسردہ پھول ہیں کلیاں اداس ہیں ساری
بہار آئی ہے کس حسن انتظام کے ساتھ


تڑپ رہا ہے بہت دن سے ذوق بربادی
پھر آشیانہ بناتا ہوں اہتمام کے ساتھ


یہی زمانۂ نا قدر میرے بعد سعیدؔ
مجھے بھی یاد کرے گا مرے کلام کے ساتھ


سعید شہیدی سے متعلقہ

جیتے جی آرام نہ آیا

چمن محفوظ ہوگا میری دنیا مٹ گئی ہوگی

غم دل کو بہار بے خزاں کہنا ہی پڑتا ہے

ہنساتے ہیں مجھ کو رلانے سے پہلے

رات کب عازم سفر نہ ہوئی

غم کون و مکاں ہے اور میں ہوں

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن