1. صفحۂ اول
  2. قومی زبان
  3. شاعری
  4. ہم ان سے چھوٹ کے یوں زندگی کے ساتھ رہے

ہم ان سے چھوٹ کے یوں زندگی کے ساتھ رہے

ہم ان سے چھوٹ کے یوں زندگی کے ساتھ رہے
کہ جیسے کوئی کسی اجنبی کے ساتھ رہے


بڑے مزے کی ہے دونوں کی داستان حیات
ہم ان کے ساتھ رہے وہ خودی کے ساتھ رہے


اس انجمن میں جہاں سب حریف الفت تھے
ہم اہل عشق بڑی بے بسی کے ساتھ رہے


جہاں جہاں میں گیا وہ وہاں وہاں مرے ساتھ
رہے ضرور مگر بے رخی کے ساتھ رہے


ترے کرم کے تری التفات کے جلوے
مرے جہاں میں نہایت کمی کے ساتھ رہے


وہی سمجھتے تھے مفہوم زندگی شاید
بہ قید ہوش جو دیوانگی کے ساتھ رہے


متاع عشرت بے نام کی طلب میں نہالؔ
غموں کے شہر میں بھی ہم خوشی کے ساتھ رہے


نہال رضوی لکھنوی سے متعلقہ

اس بزم سے پلٹے ہیں تو غافل سے ملے ہیں

میری سحر سحر نہ مری شام شام ہے

زاہد تری نگاہ خدا آشنا نہیں

یہ سمجھنے کی کس کو فرصت ہے

اٹھی اس روئے روشن سے نقاب آہستہ آہستہ

جو یہ کہوں تو قناعت پہ حرف آتا ہے

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن