دشمنوں سے رہ خفا اک حد تلک

دشمنوں سے رہ خفا اک حد تلک
دوستوں سے بھی نبھا اک حد تلک


ہم نوالا ہم پیالہ کوئی ہو
راز اس کو بھی بتا اک حد تلک


جان دے کر واسطے ماں باپ کے
قرض ہوتا ہے ادا اک حد تلک


دوریاں مانا بہت اچھی نہیں
قربتیں پھر بھی بڑھا اک حد تلک


حق میں ہے بیمار کے لازم دعا
کام آتی ہے دوا اک حد تلک


جس کو تو سمجھے ہوا ہے راز دار
راز اس کو بھی بتا اک حد تلک


ہم وفاداروں کی خاطر اے صنم
چاہئے تم کو جفا اک حد تلک


کون ساحلؔ جان پایا اس کا راز
تم کو بھی بس ہے پتا اک حد تلک