دل پر خوں
دل بہت دکھتا ہے ہر بات پہ دل دکھتا ہے
صبح نوخیز پہ سورج کی جہاں بانی پہ
شام دل دوز پہ انجام گل اندامی پہ
عکس موجود پہ
انوار رخ زیبا پہ
نقش موہوم پہ اخف دل فردا پہ
بست افلاک پہ افسانۂ رعنائی پہ
شرۂ نیرنگیٔ ہستی و زلیخائی پہ
رات کے سوز پہ شاموں کے مہک جانے پہ
حدت شوق میں کلیوں کے چٹخ جانے پہ
مضمحل تاروں پہ سہمے ہوئے ایوانوں پہ
قہوہ خانوں میں جمع شہر کے دیوانوں پہ
رند مخمور و بلانوش پہ پروانوں میں
شمع کشتہ پہ اجڑے ہوئے انسانوں پے
آرزوؤں کی سبکساری پے ارزانی پہ
دل شفق رنگ پہ جذبوں کی فراوانی پہ
حسن خود آرا و خود بیں کی دل آرائی پہ
عشق مخمور کی جاں سوزی و تنہائی پہ
پہلو دل سے کہیں لگ کے کوئی روتا ہے
دست قاتل پہ کہیں اشک کہیں دھبے ہیں
دل مسلتا ہے کوئی ہاتھ میں لے کر ہر دم
دل بہت دکھتا ہے ہر بات پہ دل دکھتا ہے
