وہ لوگوں کو روتا دیکھ کر ہنس پڑتی ہے اور جب اسے ہنسنا ہوتا ہے کسی کو بھی رلا دیتی ہے آج اس نے مجھے رلا دیا جب میری آنکھیں روتے روتے سوج گئیں تو کہنے لگی اب میں جی اٹھی ہوں تازہ ہو گئی ہوں میں لرز گئی اللہ تیرے بندے کیسی کیسی غذا لیتے ہیں خود کو زندہ رکھنے کے لیے
ایک روز میں نے سجدے سے سر اٹھایا وہ وہ تھا ہی نہیں جس کو میں پوج رہی تھی
دغا نے مجھے تہ نشیں رکھا میرے حوصلے میری وفا مسرتیں عشق اور خواب تہوں کے بیچ راکھ ہو گئے میرے چاپ کی زبان دب گئی زندگی دبتی نہیں مجھے دھڑکا سا لگا ہے! دغا بازوں کو خدا کا بھی خدشہ نہیں وہ پانی سے مٹی سے ریت سے نہیں پانچوں وقت مکاری کی جھاگ سے وضو بناتے ہیں اور زندگی کے تانڈؤ ...
لاؤ ذرا پہن لوں تمہیں تنہائی اتار دی میں نے باہر کاریڈور میں پڑی سسک رہی ہے اپنے دھیمے لہجے میں وہ ساری داستانیں سناتی جنہیں سن کر میں دھیمی آنچ پر پہروں سلگتی تھی لاؤ ذرا پہن لوں تمہیں وہ کی ہول سے جھانک رہی ہے جیسے ہم موقعہ پاتے ہی اپنے اصل میں جھانکتے ہیں اس سے پہلے کہ وہ مجھے ...
وہ جو تیز دھوپ کے کھردرے راستوں پر بے رنگ ہو گئی تھی ایک وقت کی ست رنگی اوڑھنی تھی بے رنگ کو دنیا کسی بھی رنگ میں رنگ دیتی ہے ایک دن وہ بھی رنگریز کے ہاتھوں رنگ گئی اور اوڑھنی پھٹ گئی