وقت ایسا بھی ظلم ڈھائے گا غم تجھے رات بھر جگائے گا خواب دستک نہ دیں گے آنکھوں پر کوئی احساس مارا جائے گا چین چھینے گی زندگی تیرا تجھ کو فرقت کا درد کھائے گا سسکیاں لب پہ رقص پا ہوں گی غل تجھے خامشی سکھائے گا وقت جیسا بھی ہو مگر مہدیؔ دل اسے کس طرح بھلائے گا
زخم سارے سجائے جائیں گے آج پھر خط جلائے جائیں گے جن کے اجزا میں ہو زہر شامل ایسے امرت پلائے جائیں گے آ ہی جائے گا وہ خبر لینے جب یہ پتھر ہٹائے جائیں گے کیا مزہ ہوگا روز محشر بھی جب ستم گر بلائے جائیں گے جو تکبر سے آج روشن ہیں وہ ستارے گرائے جائیں گے
شب میں سحر میں شام میں تیری تلاش ہو جیسے کسی غریب کو فکر معاش ہو رسم وفا یہی ہے تبسم لبوں پہ ہو گرچہ یہ جسم روح تلک پاش پاش ہو بتلاؤ ہمیں لے کے چلے آئیں کشتیاں دل کے سمندروں میں اگر ارتعاش ہو یہ خواہشوں سے جان چھڑانے کا وقت ہے اے کاش اس زبان پہ اب کے نہ کاش ہو مہدیؔ بس ایک شخص کے ...
اب میں کانوں میں زہر گھولوں گا جو بھی بولوں گا جھوٹ بولوں گا تیری یادوں کے بند کمرے کے اب دریچوں کو میں نہ کھولوں گا اے صبا جب وہاں تو جائے گی میں ترے ساتھ ساتھ ہو لوں گا یوں میں رویا تو لوگ دیکھیں گے ابر برسے گا تو میں رو لوں گا زندگی نے خراج مانگا ہے کیسے خون جگر کو تولوں گا